ပြည်နယ်/တိုင်းဒေသကြီးလွှတ်တော်အစည်းအဝေးတွေရဲ့ ဆုံးဖြတ်ချက်၊ တိုက်တွန်းချက်၊ အကြံပြုချက်တွေကို အကောင်အထည်ဖော်ပေးပါ လို့ ဝန်ကြီးချုပ် ၁၄ ဦးကို သမ္မတ ဦးသိန်းစိန်က ညွှန်ကြားလိုက်ပါတယ်။
အဲဒီသဝဏ်လွှာက ဧရာဝတီတိုင်းဒေသကြီးလွှတ်တော်ကိုလည်း ရောက်ရှိလာခဲ့ပြီး ဒီလ ၇ ရက်နေ့ လွှတ်တော်အစည်းအဝေးမှာ လွှတ်တော်ဥက္ကဋ္ဌ ဦးတင်စိုးက ဖတ်ကြားပြသခဲ့ပါတယ်။
သဝဏ်လွှာမှာရေးထားတာတွေထဲက အရေးကြီးတာတွေကို ကောက်နှုတ်တင်ပြရမယ်ဆိုရင် အပိုဒ် ၂ (က) မှာ
“လွှတ်တော်အစည်းအဝေးမှ ဆွေးနွေးဆုံးဖြတ်ချက်များ၊ တိုက်တွန်းချက်များ၊ အကြံပြုချက်များကို လွှတ်တော်ဥက္ကဋ္ဌက ဝန်ကြီးချုပ်ထံပေးပို့ရန်” ဆိုပြီး ရေးသားထားပါတယ်။
အပိုဒ် ၂ (ခ) မှာတော့ ဝန်ကြီးချုပ်တွေအနေနဲ့ လွှတ်တော်ခိုင်းတာကိုလုပ်ကြဖို့ သမ္မတက ညွှန်ကြားတာ အခုလို တွေ့ရမှာပါ-
“ဝန်ကြီးချုပ်သည် အင်အားနှင့်ဘဏ္ဍာရေးအခြေအနေအရ ဆောင်ရွက်နိုင်သည်များကို ဆောင်ရွက်ရန်နှင့် ပြည်ထောင်စုအစိုးရ အဖွဲ့၏ အကူအညီဖြင့်သာ ဆောင်ရွက်နိုင်မည့်ကိစ္စဖြစ်ပါက နိုင်ငံတော် သမ္မတထံတင်ပြ၍ လမ်းညွှန်ချက်ရယူရန်”
အပိုဒ် ၂ (ဂ) မှာတော့ သမ္မတကို တင်ပြချင်တာရှိရင် သဝဏ်လွှာပို့ကြပါဆိုပြီး အခုလို လမ်းညွှန်ချက်ပေးထားပါတယ် -
“လွှတ်တော်အစည်းအဝေးတွင် ဆွေးနွေးချက်များအရလည်းကောင်း၊ အခြေအနေ တရပ်ရပ်အရ လည်းကောင်း နိုင်ငံတော်သမ္မတထံ တင်ပြသင့်သောအခြားကိစ္စရပ်များ ပေါ်ပေါက်လာပါက လွှတ်တော်ဥက္ကဋ္ဌက သဝဏ်လွှာပေးပို့တင်ပြန်ရန်”
နိဂုံးပိုင်းမှာတော့ သမ္မတနဲ့နည်းလမ်းမှန်ကန်စွာ ဆက်သွယ်ဆောင်ရွက်ရန်လုပ်ငန်းစဉ်ကို သိနိုင်အောင် သဝဏ်လွှာပေးပို့ပါတယ်ဆိုပြီး ရေးထားပါတယ်။
ဒီသဝဏ်လွှာအပေါ်မှာ ဧရာဝတီတိုင်းလွှတ်တော်ဥက္ကဋ္ဌ ဦးတင်စိုးက အခုလို မှတ်ချက်ပြုခဲ့ပါတယ်။
“တိုင်းဒေသကြီးလွှတ်တော်နဲ့ တိုင်းဒေသကြီးအစိုးရကြားမှာလည်း အရင်ကတည်းက ဒီအတိုင်းပဲ ဆောင်ရွက်ခဲ့တာ ရှိပါတယ်။ ထူးခြားချက်အနေနဲ့က ဒီသဝဏ်လွှာဟာ နိုင်ငံတော်သမ္မတကြီးနဲ့ လွှတ်တော်ကြား လမ်းကြောင်းလေးတခု ဖွင့်ပေးလိုက်တာ ဖြစ်တယ်လို့ပဲ ကျနော်ခံယူပါတယ်”လို့ သူက လွှတ်တော်အစည်းအဝေးမှာ ပြောဆိုခဲ့ပါတယ်။
ဧရာဝတီတိုင်းမှာတော့ လွှတ်တော်အစည်းအဝေးဆုံးဖြတ်ချက်အရ ခိုင်းထားတဲ့လုပ်ငန်းတွေကို တိုင်းအစိုးရက လုပ်ဆောင်ပေးခြင်းမရှိတဲ့ကိစ္စ ၁ဝ ခုထက်မနည်း ရှိနေတယ်လို့ လွှတ်တော်မှာ ဖွဲ့စည်းထားတဲ့ တရားစီရင်ရေး၊ ဥပဒေရေးရာဖွံ့ဖြိုးတိုးတက်ရေးနှင့် အစိုးရ၏အာမခံချက်များ၊ ကတိများ၊ တာဝန်ခံချက်များစိစစ်ရေးကော်မတီထံက သိရပါတယ်။
ဧရာဝတီတိုင်းလိုပဲ တခြားတိုင်းနဲ့ပြည်နယ်တွေမှာ လွှတ်တော်ကခိုင်းတာကို အစိုးရက လိုက်မလုပ်တဲ့အတွက် ပြဿနာတွေရှိနေကြောင်း သမ္မတကြီး သိသွားပြီး ခုလိုပြည်နယ်နဲ့တိုင်းလွှတ်တော်အခန်းကဏ္ဍ မြှင့်တင်တဲ့ သဝဏ်လွှာတွေ ပေးပို့လိုက်တယ်လို့ ယူဆရပါတယ်။
၂၅ လကျော် သက်တမ်းပဲကျန်တော့တဲ့ ဗဟိုအစိုးရခေါင်းဆောင် သမ္မတဦးသိန်းစိန်ရဲ့ညွှန်ကြားချက်ကို ပြည်နယ်နဲ့တိုင်းဝန်ကြီးချုပ်တွေ ဘယ်လောက်ထိနာခံသလဲ မနာခံဘူးလဲ ဆိုတာကတော့ နောက်နောင် ကျင်းပပြုလုပ်မယ့်လွှတ်တော်အစည်းအဝေးတွေမှာ တွေ့ရ၊ မြင်ရ၊ ကြားရတော့မှာဖြစ်ပါတယ်။
ဆလိုင်းသန့်စင်
အေးချမ်းမွန် Credit To > ဧရာဝတီဘလော့
Post a Comment