ယူအက်စ်-တရုတ် မဟာဗျူဟာမြောက်ဆက်ဆံရေး (ဘယ်သဘော ဆောင်လာနိုင်မည်လဲ)

ဘရွတ်ကင်းစ် အင်စတီကျူးရှင် ((Brookings Institution) ကို ဝါရှင်တန်မှာ အခြေစိုက်ထားသည်ဆိုသော်လည်း အခြားအမေရိကန် အခြေစိုက်ပညာရှင် Think Tank တွေနှင့် မတူသောအချက်တချို့ ထင်ထင်ရှားရှား ပြသရှေ့ဆက်လာ နေနိုင်သောကြောင့် ယခုနှစ်ပိုင်းအနည်းငယ်အတွင်း အတော်ဆုပ်ဆုပ်ကိုင်ကိုင် အားကိုးရည်ညွှန်းမှီ ငြမ်း၍ ရလာပါ၏။

ထိုအင်စတီကျူးရှင်းကမက ထပြုဆောင်ရွက်နေသော စီမံ ကိန်းများစွာရှိသည်။ နယ်ပယ်ခွဲ ၍ လေ့လာထုတ်ပြန်နေချက်တွေလည်း ရှိသည်။ အခြားသော ”ရှေ့ သို့” (Forward) ရည်မှန်းချက်ဖြင့် မျှတပြေပြစ်လုပ်ကိုင် ပြလာနေတာတွေလည်း ရှိသည်။ ဆိုရပါက အကဲဒမစ်နယ်ပယ် ရှုထောင့် တစ်ခုတည်းမှ မဟုတ်၊ လူရွေးချယ်မှုတွေ မှာပါ ပိုကောင်းသလို ရှိလာနေခြင်းကို တွေ့လာခဲ့ရတာ ၂ နှစ် ၃ နှစ် ခန့်ရှိခဲ့ပါပြီ။ ပညာရပ်ဆိုသည်ကို ထပ်မံ၍ ပုံကြီးချဲ့ညွှန်းဆိုပြနေစရာ မရှိပါ။ ကမ္ဘာပေါ်က ပညာရပ်နယ် ပယ်အသီးသီး၊ အင်စတီကျူးရှင်းအ ဖုံဖုံအားလုံး အားကိုးလောက်စရာ တွေချည်းဖြစ်ပါ၏။ အားကိုးလောက် စရာမဟုတ်လျှင်လည်း နာမည် ကောင်းဖြင့် ရှေ့တန်းရောက်အမည် ထွက်လာဖို့ အကြောင်းမရှိ။ အရှေ့ ဥရောပနှင့်ရုရှားကြားကို အခြေစိုက်ထားသော ယူရေးရှား (Eurasia) အုပ်စု၊ အီယန်ဘရမ်းမားတို့ အင်စတီကျူသည်ပင် အားကိုးလောက် ဖွယ်ဖြစ်၏။ ဒါကပညာရပ်ဘက်မှာ အမြင်ဖြစ်ပြီးပညာရှင်အရဆိုလျှင်တော့ အနည်းငယ်မက ပြောစရာ တွေ ရှိခဲ့၊ ရှိဆဲ၊ ရှိနေဦးမည်ဖြစ်၏။

ဘာပဲပြောပြော ”ဘက်” လိုက်တတ်ကြသည်ကတော့ အနည်းနှင့် အများပဲကွာပါမည်။ လုံးဝ အဂတိတရားကင်းစင်မှု (Impartial) ဟူသည်က ဝေါဟာရအဖြစ်ပဲ ရှိပါ သေးသည်။ ထား…။၂၁ ရာစု ကမ္ဘာ့တိမ်းညွတ်ချက် မော်ဒန်ဒီမို ကရေစီနှင့် ပိုမိုမျှတပြေပြစ်ကောင်းမွန်သော လူ့အဖွဲ့အစည်း(များ) ပို အားကောင်းစေရေး ‘ဘက်’ လိုက် ကြသည်ဟုတော့ ယျေဘုယျ ပြောနိုင်၏။ တွေ့ရ၏။ ဒါက ကောင်းသည်ပဲလေ။ ပြောစရာမရှိ။ အ ကြမ်းဖက်သမား တစ်ယောက်တ လေ၏ ဆိုးရွားလှသော ခါးသီးလှသော နောက်ခံပုံရိပ်ကို ကိုယ်ချင်း စာပေး၍ရချင်ရမည်။ အကြမ်းဖက် ဝါဒဆိုသည်ကိုတော့ ဘယ်လိုနည်း ဖြင့် လက်ခံပေးကြရမည်လဲ။ ဖြစ် နိုင်မည်လား။ ထို့အတူ အနိုင်ကျင့် ခံ နေရသော အာဏာရှင်တစ်ပိုင်း နိုင်ငံငယ်လေးတစ်ခုမှ ပြည်သူလူ ထုအများစုကို ကိုယ်ချင်းစာ၍ ရ နိုင်ဖြစ်နိုင်သည်။ အာဏာရှင်စနစ် (ပုံစံမျိုးစုံရှိ)ကိုတော့ ဘယ်လိုလက် ခံပေး၍ရမည်လဲ။ မဖြစ်နိုင်။ သစ်တစ်ပင်ချင်းနှင့် သစ်တောတစ်အုပ် လုံးဥပမာကိုပဲ ကြည့်ပါလေ။ ဒါက Impartial ၏ အတိမ်အနက်နှင့် အရလောက်ကို ပြောလိုခြင်းဖြစ်ပြီး မီဒီယာလောကမှာလည်း ကွက်ကွက်ကွင်းကွင်းကြီးကို မြင်နိုင်တွေ့ နိုင်ကြားသိနိုင်ကြရပါ၏။ လက်ဖ ဝါးနှင့် လက်ဖမိုး၊ ဝါးလုံးနှင့်ဝါးခြမ်း ဥပမာများသည် အရာခပ်သိမ်း၌တော့ မမှန်ကန်နိုင်။ မှန်ကန်နိုင်ရိုး နိယာမဓမ္မလည်းမရှိ။ ယတိပြတ် စိတ်ထားကြရမှာတွေ လောကီကမ္ဘာမှာ အတော်များပြားလှပါ၏။

အစကို ပြန်ကောက်ရလျှင် ဘရွတ်ကင်းစ်က ဆက်တိုက်လုပ်လာနေသော အတော်မျှ တပြေပြစ်သည့် စီမံကိန်းခေါင်းစဉ်တစ်ရပ်အ ကြောင်း အစပျိုးနေခြင်းဖြစ်သည်။ ဗရုတ်သုက္ခကမ္ဘာထဲမှ နိုင်ငံခြားရေး မူဝါဒကို လေ့လာဆန်းစစ်ကြသော စီမံကိန်း(အလုပ်)ဖြစ်၏။ သူတို့ ယူအက်စ် သက်သက်ချည်းကိုမဟုတ် ဘဲ တိုက်ကြီးများ၊ နိုင်ငံများတစ်ခုချင်းစီထဲ ထဲဝင်ဝင်လေ့လာကြခြင်း ဖြစ်၏။ ထိုထိုနိုင်ငံ၊ ထိုထို ဒေသ ဘယ်လိုရှိသည်လဲဟု ဆန်းစစ်ပြီး သုံးသပ်ကြခြင်းဖြစ်ရာ သူတို့အကျိုး စီးပွားသက်သက် မဟုတ်တော့။ ရံဖန်ရံခါ ယူအက်စ် ကိုယ်ကျိုးစီးပွားပင် မပါဝင်တာမျိုးတွေ တွေ့ရ ၏။ ပညာရပ်နယ်ပယ်ကြီး၏ ပညာရှင် ပီသလှသော အလုပ်ဖြစ်သည်။ Choas From Order ဟု အမည်ပေးထားသည်။ ခေးအော့စ်က ဖာရိဒ်ကာခါးရီးယား (Zakaria) တွင် တွင်သုံးသော Turbulence နှင့်မတူ။ Turbulence ကို ကသောင်းက နင်းဟုယူပါက ခေးအော့စ်သည် လူ့အတ္တစိတ်များ နွယ်ယှက်နေ သော ”ပိုင်ပိုင်နိုင်နိုင် မရှိလှမှု”၊ တစ်နည်း၊ ဖြစ်ပြီးမှ ကြေကွဲရမှုမျိုး တွေ စိမ့်ဝင်နေသော ဒြပ်မဲ့ Abstract) ဖြစ်၏။ တည့်တည့်ပြောရလျှင် အော်တိုကရေစီစနစ်ကို ရည်ညွှန်းတာဖြစ်ပြီး ထိုထို ခေးအော့စ်တွေထဲမှ ဘယ်လို အစီအစဉ်တကျ ကောင်းမွန်မျှတစေမည်လဲဟု ရည်ရွယ်တာဟု ဆိုရပါမည်။

ထိုစီမံကိန်း၏ အကြီးမားဆုံး အစိတ်အပိုင်းမှာ ယူအက်စ်-တရုတ် ဆက်ဆံရေးပဲ ဖြစ်နေခြင်းက သိပ်မထူးဆန်းလှပါ။ ယူအက်စ်-တရုတ်၏ ခေးအော့စ် ဆက်ဆံရေးကို ဘယ်လိုအစီအစဉ်တကျ ပြန်လည်၍ ပိုမိုမျှတပြေ ပြစ်ကောင်းမွန်စေမလဲဆိုခြင်းကသာ အဓိကကိစ္စဖြစ်၏။ ဤဤ ထိုထို ဗရမ်းဗတာ၊ ဗြဲလရမ်းဖြင့် အဖိတ်အစဉ် အရိုက်အခတ်ကြောင့် အခြားသော ဒေသများ၊ နိုင်ငံများကိုလည်း မလွဲမသွေ သက်ရောက်ခံစားရစေခြင်းက ပဓာနကျကျ ပြန် ညှိနှိုင်းချိန်ဆ တည့်မတ်ပေးစေကြ ရမည့်အကြောင်းရင်းခံလည်း ဖြစ်လာနေသော ကမ္ဘာ …။ စူပါပါဝါ နှင့် ဂရိတ်ပါဝါ နံပတ်ဝမ်းတို့၏ သူတို့ချည်း အရေးကိစ္စမဟုတ်တော့ သောကြောင့် နှစ်ဖက်မြင်ရောင်စဉ်လှိုင်း (Dual Diagram OR Paradigm OR Spectrum) ပါရာဒိုင်းအဖြစ် သုံးသပ် အဖြေရှာကြဖို့ ပညာရှင်တွေလုံးပန်းအားထုတ် ချက်များစွာထဲမှ သင့်လျော်ရာတစ်ချက်၊ အမြင်တစ်ရပ်ကို ဆွဲထုတ်နိုင်စေရေးဟု ယူဆသည်။ ဒါကို ဘရွတ်ကင်းစ် အင်စတီကျု၏ အာရှဆိုင်ရာ လုပ်ငန်းအုပ်စုဝင်ပညာရှင်တွေ ဆွဲယူထုတ်ပြတတ်တာလည်းမကြာခဏဖြစ်၏။ နိုင်ငံခြားဆက်ဆံရေးကောင်စီ (CFR)၊ ဟဒ်ဆန်အင်စတီကျု Hudson Institute)၊ ကာနယ်ဂီဖောင်ဒေးရှင်းတို့လည်းလုပ်နေကြပါ၏။ ထင်ရှားပါ၏။ လောလောဆယ် ဘရွတ်ကင်းစ် Paper 7ကို ကြည့်မြင်လေ့ လာသုံးသပ်ဖြစ်ဖို့ ရှိလာပါသည်။ တည့်တည့်ပြောရလျှင်တော့ ဒေါ်နယ်ထရမ့်ကြောင့်ပဲ ဖြစ်သည်။

ဤ လေ့လာသုံးသပ်ချက် စာတမ်းကို ယူအက်စ် သမ္မတရွေးကောက်ပွဲ မကျင်းပမီ ဆယ်ရက်ခန့် အလိုက တရားဝင်ထုတ်ပြန်ခဲ့ခြင်း ဖြစ်သော်လည်း ဘယ်သူ သမ္မတ ဖြစ်လာသည်ဖြစ်စေ၊ အထူးသဖြင့် ဒေါ်နယ်ထရမ့် နိုင်သွားလျှင် ဖြစ်စေ… ဟူသော ရှုထောင့်တချို့လည်း ပါဝင်နေ၍ စိတ်ဝင်စားဖြစ် ရုံတင်မက ရှေ့ဆက်ရေး လမ်း ကြောင်းနှင့် ချိန်ဆသင့်သည်တို့ကိုပါ တွေ့မြင်မိလိုက်ရပါ၏။ မူရင်းစာတမ်းက စာမျက်နှာ ၂ဝ ပဲရှိ၍ သူတို့ဆီက ပညာရပ်၊ ပညာရှင် စာတမ်းတွေထက်စာလျှင် နည်း သည်၊ တိုသည်ဟု ယူနိုင်သော် လည်း အဓိက ကိစ္စကြီးများကို လို တိုရှင်း ထောက်ပြသုံးသပ်သွား၏။ တိုက်ရိုက်ပြန်ဆိုနေလျှင်တော့ မြန် မာလို စာမျက်နှာ ၅ဝ၊ ဂျာနယ် ဆောင်းပါး ရှစ်ပတ်စာလောက် ဖြစ်သွားပါမည်။ စွမ်းနိုင်သမျှ လိပ်ပတ်လည်အောင် အတိုဆုံး တင်ပြသွားပါမည်။

အပြုသဘောယူမလား၊ 
အပျက်သဘောဆောင်မည်လား

စာတမ်းအစမှာပဲ လာမည့် ယူအက်စ် သမ္မတမည်သူဖြစ်စေ ဟု ရည်ညွှန်းပါရှိ၏။ ယူအက်စ်- တရုတ်မဟာဗျူဟာမြောက် ဆက် ဆံရေးကို ကြည့်လျှင်ပြီးခဲ့သည့် ဆယ်စုနှစ် ၂ စု (စစ်ဘေးအလွန်) ၌ ပိုမိုရှုပ်ထွေးသလို ကျယ်ပြန့်လာ ပြီး သက်ရောက်ချက် ကောင်းဆိုး တွေ ရြော>ွပမ်းနေလွန်းလှ၍ ကိုယ့် တာဝန် ကိုယ်ယူကြဖို့ ဟု ခပ်ပြတ် ပြတ်ထပ်ပြော (တိုက်တွန်း) ထားသည်။ ထပ်ပြောထားလိုသည် မှာ ခေးအော့စ် (Chaos) ကနေ အစီ အစဉ်တကျ၊ လိုအပ်မှု(Order) ဖြစ်လာစေရေးဆိုရာ၌ ယူအက်စ်-တရုတ်ဆက်ဆံရေးတင်မက ကမ္ဘာ့နိုင်ငံအသီးသီး၏ နိုင်ငံခြားရေး မူဝါဒတွေလည်း မလွဲမသွေ ပါဝင်နေ၏။ ဤထိပ်သီးနှစ်နိုင်ငံကြောင့် သက်ရောက်ချက်အပြင်ရွေးချယ်ရချက်တွေပါများပြား ရှုပ်ထွေးလာနေသော ကာလတစ်ရပ်ရောက်နေ၍ ဤလုပ်ငန်းစီမံချက်၊ ပညာ ရပ် ရှုထောင့်သုံးသပ်ချက်တွေထွက် ပေါ်လာနေကြရတာဖြစ်၏။ ဤအချက်က အရေးကြီးလှပါသည်။ ပြောင်းလဲနေသည့် ကမ္ဘာလုံး ဆိုင်ရာဒိုင်းနမစ်(Dynamics) များကို ခပ်သွက်သွက်မှန်မှန်ကန်ကန် တုံ့ပြန်နိုင်စွမ်းရှိကြဖို့ဆိုရာ၌ ဒါတွေ တွေ့မြင်နေကြရ၏။

(၁) နိုင်ငံတကာ စနစ်ကြီး တစ်ရပ်လုံးနီးပါးက ဖိစီးမှုတွေ၊ စိန် ခေါ်မှုတွေ၊ အစီအစဉ်ချည့်နဲ့ပျက် ယွင်းမှုတွေ ပိုရင်ဆိုင်လာနေရသည်။

(၂) လာမည့် နှစ်ကာလများ၊ ခေတ်များ၌ ယူအက်စ်အနေဖြင့် ကမ္ဘာကို ပိုအင်အား ဖြည့်တင်းပေးရဖို့သာရှိသည်။ လစ်ဘရယ်ကျကျ နိုင်ငံတကာ အစီအစဉ်တစ်ရပ် လို အပ်သည်။ ဒါကိုတရုတ်က ဝိုင်းကူထမ်းပါဝင်ပေးဖို့အထူးလိုအပ်သည်။

(၃) တရားဥပဒေတွေက အ မှန်တကယ် အခြေပြုလိုက်နာ ကျင့်သုံးကြသင့်သည်။

(၄) နိုင်ငံတော်တည်ဆောက်ရေး တန်ဆာပလာကိရိယာများ (စစ်ရေး၊ စီးပွားရေး၊ သံခင်း၊ တမန် ခင်းနှင့်လူမှုဆိုင်ရာ)တွေကို အပြည် ပြည်ဆိုင်ရာ မိသားစုဝင် နိုင်ငံတွေ ဘယ်လိုပုံစံထုတ် အောင်မြင်တည် ဆောက်ယူနိုင်ကြရစေမည်လဲ။ ရွေးချယ်ချမှတ် ဆောင်ရွက်ပိုင်ခွင့် ကိုယ်စီရှိကြသည့် အပေါ် ဝန်းရံ ပေးသင့်သည်။

သူတို့အခေါ် ပြန် လည်အားဖြည့်ရေး ပြုလုပ်ပေးခြင်း (Revitalized) ကို အဓိကကျကျ ပါဝင်ဝန်းရံလာမှု၊ ဦးစားပေးမှုဟုလည်း ယူ၍ရသည်ဆိုရာ၌ ယူအက်စ်ရော၊ တရုတ်ပါတာဝန်မျှ ဝေယူကြခြင်းဟုဆိုလိုသည်။

ဤအချက်များကြောင့် ချည်းသက်သက် ယူအက်စ်-တရုတ် မဟာဗျူဟာမြောက် ဆက်ဆံရေးကို လေ့လာသုံးသပ်ကြ၊ ထောက်ပြ ဝေဖန်အကြံပြုကြခြင်းမဟုတ်၊ ဤ ကိစ္စက အထပ်ထပ်ပြောထားပြီးသ ကဲ့သို့ ကမ္ဘာလုံးဆိုင်ရာ ဂလိုဘယ် အရေးဖြစ်လာနေခဲ့ခြင်းကြောင့် လည်းဖြစ်ပါ၏။ သို့ဆိုလျှင် အပြုသဘောဘက်က မည်သူမည်သို့ ဘာတွေပိုလုပ်ကြသင့်သည်လဲ … ရှေ့ဆက်မဆွေး နွေးကြခင် ပစ္စုပ္ပန်သမိုင်း၊ အနီးခေတ်ဖြတ် သန်းမှုကို ပြန်စေ့ငု ကြည့်ကြရဖို့ လည်း လိုအပ်လာပြီ ဖြစ်၏။

ဤဆောင်းပါးကို အဓိကအ ခြေတည်ကိုးကားမည့် ဘရွတ်ကင်းစ် အာရှလုပ်ငန်းအုပ်စု၏ စာ တမ်း ခေါင်းစဉ်၌ပင် ယခုအချက်များကို ထင်ထင်ရှားရှား တွေ့ရှိရ ပါသည်။ အပြန်အလှန်မျှခြေ ပြန်လည်ထိန်းညှိခြင်း (Rebalance)၊ ‘ဘက်’ တွေအနေဖြင့် ကတိကဝတ် နှင့် တာဝန်ယူရမည့် အာမခံချက်များ ပြန်ပေး၊ ပြန်လုပ်ခြင်း (Reassurance)၊ ရှိနေသည့် ပြဿနာများကို ပြန်လည် ထပ်မံဖြေရှင်းခြင်း (Resolve) လုပ်ကို လုပ်ကြရပေတော့မည်။ ယူအက်စ်-တရုတ် မဟာဗျူဟာ မြောက်ဆက်ဆံရေး ကို အဓိက ‘တည်’ပြီး ပြောခြင်းဖြစ်သော်ငြား ဂလိုဘယ် Issue တွေထဲမှာ ပဓာနကျလှသော ကမ္ဘာ့အစီအစဉ်ကျနရေး၊ ကမ္ဘာကြီးကောင်းစွာ ရှေ့ဆက် ပိုမိုမျှတပြေပြစ်လာရေး အသွင်ဆောင်တကယ်ဖြစ်နေသော ကြောင့်ပင်။

ဒေါ်နယ်ထရမ့် ယူအက်စ် သမ္မတဖြစ်လာတော့မည်မို့ ရွေး ကောက်ပွဲ မတိုင်ခင်ကြိုရေးထားသော စာတမ်းဖြစ်နေသည် ဟူသောတစ်ချက်နှင့် ဘာမျှသိပ်ဆိုင် လှမည်မဟုတ်ပါ။ နဂိုကတည်းက ယူအက်စ်သမ္မတက ဘယ်သူပဲဖြစ်လာ၊ ဖြစ်လာမလွဲမသွေလုပ်ကို လုပ်ရမည့်အကြောင်းကိစ္စရပ်များ ချည်းသာဖြစ်သည်။ ထရမ့်အပေါ် စိုးရိမ်စိတ်တွေ ရှိကြသည်ဆိုငြား သူသည်လည်း လုပ်ပိုင်ခွင့်ဘောင်ထဲမှသာ လုပ်ရမည်ဖြစ်ပြီး ယခု ဆယ်စုနှစ်အတွင်း ယူအက်စ်သမ္မတ ၏ လုပ်ပိုင်ခွင့်ကိုပင် ကွန်ကရက်က ပိုမိုကန့်သတ်ထိန်းချုပ်လာနေခဲ့ခြင်းကြောင့် ဤဂလိုဘယ် Issue မှာ ထရမ့်အနေဖြင့် ယူအက်စ်ကို ရော၊ ကမ္ဘာကိုပါ ကိုယ်စားပြုဆောင် ရွက်ရမှာ သေချာလှပါသည်။ အဓိက မှီငြမ်းစာတမ်း အပြင် အာရှ- ပစိဖိတ်-ယူအက်စ်ရေးရာ တွေထဲမှ အရေးပါသောလက်တွေ့ ဖြစ်ရပ် အထောက်အထားများနှင့်ပါ ညှိယူတင်ပြဆွေးနွေးသွားပါဦးမည်။ လိုအပ်သလိုခေါင်းစဉ်များ ခွဲ၍ တင်ပေးသွားမည်ဖြစ်ပါ ကြောင်း…။

မင်းတင်

http://www.popularmyanmar.com/popularnews/archives/27078