ထိုင်းနိုင်ငံတွင်း ခိုးဝင် မြန်မာ ၆၄ ဦး ရနောင်းတွင် ဖမ်းမိ ( သတင်းတိ်ု )

ACM Re-Post 2-6-2014

ထိုင်းနိုင်ငံတောင်ပိုင်း ရနောင်းခရိုင်ထဲမှာ မေ ၃၁ ရက်နေ့က တရားမ၀င် ခိုးဝင်လာတဲ့ မြန်မာ ၆၄ ဦးကို ဖမ်းဆီးရမိတယ်လို့ မန်နေဂျာအွန်လိုင်း ထိုင်းသတင်းမှာ ဖော်ပြပါတယ်။

နယ်မြေထဲမှာ လူကုန်ကူးအဖွဲ့ လှုပ်ရှားမှုရှိကြောင်း ကြိုတင်သတင်းရထားချက်အရ အမှတ် ၂၅ အထူးစစ်ဆင်ရေး တပ်လက်အောက်ခံ တပ်မဟာ ၂၅၂ က တပ်ဖွဲ့ဝင်တွေဟာ ကရပူရီမြို့နယ် ဟင်မိုင်ကျေးရွာအုပ်စုက ဆီအုန်းခြံ တခုထဲကို ၀င်ရောက်စစ်ဆေးရာမှာ ဟိုင်းလပ်ကား ၂ စီးနဲ့ တင်ဆောင်လာတဲ့ အဲဒီလူတွေကို ဖမ်းမိတာလို့ တပ်ခွဲမှူး ဗိုလ်မှူး ဆုရဆဒ်ဒီး ဖိန့်ယမ့်က သတင်းထောက်တွေကို ပြောပါတယ်။

သူတို့တွေဟာ အဲဒီခြံထဲမှာ တထောက်နားနေတာ ဖြစ်ပြီး ကားမောင်းသမား ထိုင်းလူမျိုး ၂ ဦး ထွက်ပြေး လွတ်မြောက်သွားတယ်လို့ ဆိုပါတယ်။

ကျန်တဲ့လူ ၆၄ ဦးကိုတော့ ဆက်လက်အရေးယူဖို့ ရနောင်းခရိုင် လ၀ကရဲစခန်းမှာ ပို့ဆောင်ထားတယ်လို့ တပ်ခွဲမှူးက ပြောပါတယ်။ ဖမ်းမိသူ ၆၄ ဦးမှာ အမျိုးသား ၅၇ ဦးနဲ့ အမျိုးသမီး ၇ ဦး ပါဝင်ကာ အသက် ၂၀ နဲ့ ၄၀ ကြားရှိတယ်လို့ ဆိုပါတယ်။

ဖမ်းမိသူတွေရဲ့ ထွက်ဆိုချက်အရ သူတို့တွေဟာ မြန်မာဘက်ခြမ်းကနေ ၀င်လာပြီး ထိုင်းနိုင်ငံတောင်ပိုင်း ဆုရတ်ဌာနီ၊ ဆုန်ခရာနဲ့ ဖူးခတ်စတဲ့အရပ်ဒေသမှာ အလုပ်သွားလုပ်ဖို့ ဖြစ်ကြောင်း၊ ပွဲစားခ ၁ ဦးကို ဘတ် ၃ ထောင်ကနေ ၈ ထောင်အထိ ပေးရကြောင်း၊ ပွဲစားက အရင်ငွေစိုက် ထားကာ လုပ်ခထဲကနေ ဖြတ်သွားဖို့ သဘောတူထားတယ်လို့ တပ်ခွဲမှူးအပြောကို ကိုးကားပြီး ထိုင်းသတင်းက ဖော်ပြသွားပါတယ်။

Aye Chan Mon Credit To: DVB
https://www.facebook.com/excellencemedia
http://www.ayechanmon-news1.com/

2