၂၀၁၃-၂၀၁၄ ဘဏ္ဍာရေးနှစ် စီးပွားရေး တိုးတက်မှု ၆ ဒသမ ၈ ရာခိုင်နှုန်းအထိ တိုးတက်လာမည် ဖြစ်သော်လည်း ၂၀၁၅ ရွေးကောက်ပွဲအတွက် ပြင်ဆင်ချိန်တွင်မူ စီးပွားရေး တိုးတက်မှုကို စိန်ခေါ်မှုများ ရှိလာနိုင်ကြောင်း ကမ္ဘာ့ဘဏ် သတိပေး

၂၀၁၃-၂၀၁၄ ဘဏ္ဍာရးနှစ်အတွက် မြန်မာနိုင်ငံ၏ စီးပွားရေး တိုးတက်နှုန်း ၆ ဒသမ ၈ ရာခိုင်နှုန်းအထိ တိုးတက်လာမည် ဖြစ်ပြီး အလယ်အလတ်ကာလတွင် ၆ ဒသမ ၉ ရာခိုင်နှုန်းအထိ မြင့်တက်ရန် ရည်မှန်းထားသော်လည်း ၂၀၁၅ ခုနှစ်တွင် ကျင်းပမည့် ရွေးကောက်ပွဲအတွက် ပြင်ဆင်ချိန်တွင်မူ စီးပွားရေး တိုးတက်မှုအတွက် ပြုပြင်ပြောင်းလဲမှု အစီအစဉ်ကို အာရုံစူးစိုက်ရန် ခက်ခဲသည့် စိန်ခေါ်မှုများ ရှိနေခြင်းသည် မြန်မာ့စီးပွားရေး အလားအလာအတွက် အန္တရာယ်ရှိလာနိုင်သည်ဟု ကမ္ဘာ့ဘဏ်က သတိပေးလိုက်ကြောင်း သတင်းရရှိသည်။

ယခုနှစ်တွင် စီးပွားရေး တိုးတက်လာခဲ့ခြင်း၏ အဓိက အကြောင်းရင်းမှာ ဓာတ်ငွေ့ထုတ်လုပ်မှု ဆက်လက် တိုးတက်နေခြင်းနှင့် ကုန်သွယ်မှု မြင့်တက်လာခြင်းတို့ကြောင့် ဖြစ်ကြောင်း သတင်းရရှိသည်။ ဓာတ်ငွေ့ ထုတ်လုပ်မှု၊ ၀န်ဆောင်မှု၊ ဆောက်လုပ်ရေး၊ နိုင်ငံခြား တိုက်ရိုက် ရင်းနှီးမြှုပ်နှံမှုများနှင့် လူသုံးကုန်ပစ္စည်း နိုင်ငံခြား တင်ပို့မှု အားကောင်းလာသောကြောင့် မြန်မာ့စီးပွားရေးသည် ၂၀၁၂-၁၃ တွင် ၆ ဒသမ ၅ ရာခိုင်နှုန်း ရှိခဲ့ပြီး ယခုနှစ်တွင် ၆ ဒသမ ၈ ရာခိုင်နှုန်းကျော် ရှိလာနိုင်ကြောင်း သုံးသပ်နိုင်ခြင်း ဖြစ်သည်ဟု ကမ္ဘာ့ဘဏ်က ထုတ်ပြန်ခဲ့သည်။ ယခုနှစ်တွင် စီးပွားရေး တိုးတက်မှုနှင့်အတူ ငွေကြေးဖောင်းပွမှုနှုန်းမှာ ၇ ဒသမ ၃ ရာခိုင်နှုန်း ရှိကြောင်းလည်း ထုတ်ပြန်ထားသည်။

အလားတူ ကမ္ဘာ့ဘဏ်၏ အစီရင်ခံစာအရ ၂၀၁၁-၂၀၁၂ ဘဏ္ဍာရေးနှစ်တွင် မြန်မာနိုင်ငံ၏ ဘတ်ဂျက်လိုငွေ ၄ ဒသမ ၆ ရာခိုင်နှုန်းရှိခဲ့ရာမှ ၂၀၁၂-၂၀၁၃ ဘတ်ဂျက်လိုငွေမှာ ၃ ဒသမ ၇ ရာခိုင်နှုန်းအထိ ကျဆင်းခဲ့ကြောင်း သိရသည်။

စီးပွားရေးပညာရှင်များ၏ သုံးသပ်ချက်အရမူ မြန်မာနိုင်ငံ၏ ယခုနှစ် ဘတ်ဂျက်လိုငွေ ဂျီဒီပီ၏ ၅ ရာခိုင်နှုန်းအထိ ရှိလာမည်ဖြစ်ကြောင်းနှင့် မြန်မာနိုင်ငံ၏ ၂၀၁၂-၂၀၁၃ ဂျီဒီပီမှာ ၄၅ ဒသမ ၉ ဘီလျံရှိကြောင်း၊ ယခုနှစ် ဂျီဒီပီကိုမူ ၅၀ ဘီလျံ ၀န်းကျင်ခန့် ရှိနိုင်ကြောင်း သုံးသပ်ကြသည်။ စီးပွားရေး တိုးတက်မှုတွင် ၂၀၁၁ ခုနှစ်တွင် ၅ ဒသမ ၉ ရာခိုင်နှုန်း၊ ၂၀၁၂ ခုနှစ်တွင် ၆ ဒသမ ၅ ရာခိုင်နှုန်းနှင့် ၂၀၁၃ ခုနှစ်တွင် ၆ ဒသမ ၈ ရာခိုင်နှုန်း ခန့်မှန်းထားကြောင်း သိရသည်။

ယင်းကဲ့သို့ စီးပွားရေး တိုးတက်လာခြင်းမှာ မြန်မာနိုင်ငံအနေဖြင့် ၂၀၁၁-၁၂ ဘဏ္ဍာရေးနှစ်တွင် သဘာဝ ဓာတ်ငွေ့ရောင်းချမှုမှ အမေရိကန် ဒေါ်လာ ၃ ဒသမ ၅ ဘီလျံရရှိခဲ့ရာမှ ၂၀၁၂-၁၃ ဘဏ္ဍာနှစ်တွင် အမေရိကန် ဒေါ်လာ ၄ ဘီလျံထိ ရောက်ရှိခဲ့ကြောင်း ကမ္ဘာ့ဘဏ်၏ အစီရင်ခံစာတွင် ထုတ်ပြန်ထားသည်။

၂၀၁၃-၁၄ ခုနှစ်တွင် မြန်မာနိုင်ငံ၏ ဂျီဒီပီ ၆ ဒသမ ၈ ရာခိုင်နှုန်းအထိ တိုးတက်လာမည်ဟု မျှော်မှန်းထားသော်လည်း ရွေးကောက်ပွဲအတွက် ပြင်ဆင်ချိန်တွင်မူ စီးပွားရေး တိုးတက်မှုအတွက် ပြုပြင်ပြောင်းလဲမှု အစီအစဉ်ကို အာရုံစူးစိုက်ရန် ခက်ခဲသည့် စိန်ခေါ်မှုများ ရှိနေကြောင်း သိရသည်။

ရန်ကုန်ဆိပ်ကမ်းဧရိယာတစ်ခုအား တွေ့ရစဉ် (ဓာတ်ပုံ-အောင်မျိုးသန့်)

အေးချမ်းမွန် Credit To >Eleven Media Grouphttps://www.facebook.com/excellencemedia
http://ayechanmon-news1.blogspot.com/