စံမောင်သန်း
စစ်တွေ၊ ဒီဇင်ဘာ ၂၆
စစ်တွေ၊ ဒီဇင်ဘာ ၂၆
ယခုနှစ် ဆံတော်ရှင် ဘုရားပွဲတော်ကို ဒီဇင်ဘာလ ၂၀ ရက်နေ့မှ ၂၆ ရက်နေ့ထိ ၇ ရက်တိုင်တိုင် ကျင်းပခဲ့ရာ ဘုရာဖူး ခရီးသည် ၂ သိန်းခန့်ထိ လာရောက်ခဲ့သည်ဟု ဂေါပကအဖွဲ့ အကျိုးဆောင် ဦးမောင်လှကျော် က ပြောသည်။
ဒီဇင်ဘာလ ၂၄ နှင့် ၂၅ ရက်နေ့များတွင် ဘုရားဖူးခရီးသည် ပိုများပြီး ထိုနှစ်ရက် အတွင်း တစ်နေ့ကို ၅ သောင်းနှုန်းခန့် လာရောက်ခဲ့ပြီး အလှူငွေ ကျပ်သိန်း ၂၇၀ ထိ ရရှိခဲ့သည်ဟု သူက ဆိုသည်။
“ ဒီဇင်ဘာလ ၂၅ ရက်နေ့ ညနေထိ ဘုရားဖူးခရီးသည် ၂ သိန်းခန့်ထိ ဘုရား လာဖူးခဲ့ပြီးတော့ အလှူငွေ ကျပ်သိန်း ၂၇၀ ထိ လက်ခံရရှိပြီးပါပြီ။ အလှူခံ ဌာနအနေနဲ့ ဘုရား ရင်ပြင် ရယ်၊ ဘုရားကြီး၊ သိမ်တော်ရာ နဲ့ ခြေတော်ရာ အပါအ၀င် အလှူခံဌာန ၈ ခုဖွင့်ပြီးတော့ အလှူ လက်ခံနေတာဖြစ်ပါတယ်” ဟု သူက ပြောသည်။
ရခိုင်ပြည်နယ် ပေါက်တောမြို့နယ် မြေငုံကျွန်းရှိ သမိုင်းဝင် ဆံတော်ရှင် ဘုရားပွဲတော်မှ ကောက်ခံရရှိသော အလှူငွေများကို ဘုရားနှင့် လိုအပ်သည် များကို ပြုပြင်မွန်းမံရာတွင် အသုံးပြုသည်ဟု သိရသည်။
ဆံတော်ရှင်ဘုရားသို့ ဘုရားဖူးလာကြသူများထဲတွင် တစ်ညအိပ် ဘုရားဖူး ခရီးသည်များ ပိုများပြီး တစ်ချို့က နေ့ချင်းပြန်နှင့် တစ်ချို့က ၂ ည-၃ ည အိပ်ပြီး လာဖူးကြသည်ဟု သိရသည်။
“ကျွန်မကတော့ ဒီဆံတော်ရှင်ပွဲတော်ကို နှစ်စဉ်နှစ်တိုင်း လာရောက် ဖူးမျှော်ပါတယ်။ မနှစ်ကဆိုရင် ရန်ကုန်၊ မန္တလေးက ဆွေမျိုးတွေအပါအ၀င် မိသားစုဝင် ၂၀ ခန့်ထိ စုပေါင်းပြီး လာဖူးကြပါတယ် ”ဟု ဘုရားဖူးခရီးသည် တစ်ဦးက နိရဉ္စရာ သတင်းဌာနသို့ ပြောသည်။
ဆံတော်ရှင်စေတီဘုရားပွဲကို အသက်အရွယ်ကြီးရင့်နေသူများပါ လာဖူးမျှော်ကြသဖြင့် လူကြီးများအတွက် စတီးလ်ဖြင့် ပြုလုပ်သော လက်ကိုင်တန်းများကို ပြုလုပ်တပ်ဆင်သွားမည်ဟု သိရသည်။
ဆံတော်ရှင်သို့ ဘုရားဖူးခရီးသွားများ စိုးမဲကျီဆိပ်ကမ်းမှ တောင် ကို ကျော်ဖြတ်စရာ မလိုဘဲ ကားလမ်းကို အသုံးပြုပြီး သွားရောက်နိုင် ရန် မြေငုံကျွန်းအနောက်ဘက် ဂြင်းချောင်းမှ ဆံတော်ရှင်အထိ ကားလမ်း တစ်ခုကို ဖေါက်လုပ်လျက်ရှိရာ ၂၀၁၆ ခုနှစ် မတ်လတွင် ပြီးဆုံးမည်ဟု သိရသည်။
ဘုရားပွဲတော်အတွင်း ဘုရားဖူးခရီးသွားများ အလွန်များပြားပြီး အိမ်သာ မလုံလောက်မှု များ ရှိနေသဖြင့် လိုအပ်သော အိမ်သာများ ကိုဆောက်လုပ်နိုင်ရန် နာရေးအသင်း စစ်တွေ အတွင်းရေးမှူး ဦးထွန်းလှိုင်၊ ZIC ပုဇွန်ဒိုင်ပိုင်ရှင် ဦးဝင်းဇံနှင့် အဲယား မန္တလေးမှ ဦးသာဇံတို့က လိုအပ်သလောက် လှူဒါန်းသွားမည်ဟု သိရသည်။
ဘုရားဖူးခရီးသွားများ အဆင်ပြေချော့မွေ့စေရန် သင်္ဘောနှင့် စက်လှေ များ ခေါက်တုန့် ခေါက်ပြန် ပြေးဆွဲကြသည့် အပြင် မလိခ အမြန်ယာဉ်နှင့် ရွှေပြည်တန် အမြန်ယာဉ် တို့လည်း စစ်တွေမှ စိုးမဲကျီ ဆိပ်ကမ်းသို့ ခေါက်တုန့် ခေါက်ပြန်ပြေးဆွဲပေးကြသည်ဟု သိရသည်။
(ယခုနှစ်ဘုရားပွဲဓာတ်ပုံ- နိရဉ္စရာ/ စံမောင်သန်း)
Post a Comment
EmoticonClick to see the code!
To insert emoticon you must added at least one space before the code.