ရွေးကောက်ပွဲနိုင်ငံရေး Aye Chan Mon Aye Chan Mon

လာမည့်နိုဝင်ဘာလ ၈ ရက်နေ့တွင် ၂၀၀၈ ခုနှစ် ဖွဲ့စည်းပုံ အခြေခံဥပဒေအရ ပေါ်ပေါက်လာမည့် တတိယမြောက် ရွေးကောက်ပွဲ ကျင်းပမည်ဖြစ်ရာ ရွေးကောက်ပွဲ နီးလာသည်နှင့်အမျှ ရွေးကောက်ပွဲကို ဦးတည်သော နိုင်ငံရေးများကိုလည်း ခပ်စိပ်စိပ် တွေ့မြင်လာရမည် ဖြစ်သည်။

ပုံမှန်အားဖြင့် တွေ့မြင်ရမည့် ရွေးကောက်ပွဲကို အကြောင်းပြုသော မဲဆွယ်စည်းရုံးမှုများ၊ မဲဆွယ်အကြိုလှုပ်ရှားမှုများ၊ ရွေးကောက်ပွဲအပေါ် လူထုစိတ်ဝင်စားမှုနှင့် ရွေးကောက်ပွဲဝင် ပါတီများ၊ ခေါင်းဆောင်များ၏ လူကြိုက်များ ရေပန်းစားမှုတို့ကို အကြိုစစ်တမ်း ကောက်ယူမှုကဲ့သို့ ဖြစ်ရိုးဖြစ်စဉ် နိုင်ငံရေးများအပြင် လူပုဂ္ဂိုလ်နှင့် ပါတီ၊ အဖွဲ့အစည်းအပေါ် အဓိကဦးတည်သော နိုင်ငံရေးများကိုလည်း မြင်တွေ့ရမည်ဖြစ်သည်။

ထို့အပြင် ရွေးကောက်ပွဲများတွင် မိမိတို့ပါတီအပေါ် လူထုထောက်ခံမှု ရရှိစေရန်နှင့် လူကြိုက်များလာစေရန် ပုံမှန်မဟုတ်သော မရိုးမဖြောင့်နည်းလမ်းများ၊ အောက်လမ်းနည်းများ၊ ပြိုင်ဘက်အပေါ် အကောက်ကြံ၊ အပုပ်ချသော နည်းလမ်းများလည်း ကြံစည်လုပ်ကိုင်လာနိုင်ပေရာ ယနေ့အချိန်မှ ရွေးကောက်ပွဲ ကျင်းပမည့်ရက် မတိုင်မီ ကြားကာလသည် မဲဆန္ဒရှင် ပြည်သူလူထုနှင့် သက်ဆိုင်ရာပါတီများ အထူးသတိထားရမည့် အချိန်လည်း ဖြစ်ပေသည်။

အထူးသဖြင့် အာဏာလက်ရှိပါတီက နိုင်ငံတော်ဘဏ္ဍာ၊ ရိက္ခာ၊ နိုင်ငံခြားချေးငွေနှင့် အခြားသော နိုင်ငံပိုင် အခြေခံအဆောက်အဦပစ္စည်းများ အသုံးပြုကာ အစိုးရ လုပ်ငန်းတာဝန်များ ထမ်းဆောင်ရင်း မဲဆွယ်စည်းရုံးနိုင်ပေရာ ငွေကြေးအင်အား မတောင့်တင်းသော အတိုက်အခံ သို့မဟုတ် ဒီမိုကရေစီ နာမည်ခံထားသည့် ပါတီများ၏ လှုပ်ရှားခွင်မှာ အကန့်အသတ် ဖြစ်သွားနိုင်ပေသည်။

အခြားတစ်ဖက်တွင်လည်း စနစ်ဆိုး၏ ဖိနှိပ်မှုနှင့် ပညာရေးနိမ့်ကျမှုတို့ကြောင့် စိတ်ခံစားမှုများကာ စဉ်းစားချင့်ချိန်မှု အားနည်းနေသော အခြေခံပြည်သူလူထုအပေါ် ဘာသာရေး၊ လူမျိုးရေး အကြောင်းပြုထားသည့် စည်းရုံးလှုံ့ဆော်မှုများဖြင့် မဲရရှိရေး၊ မဲမပေးရေး တွန်းအားပေးလာခြင်းမျိုးလည်း မဖြစ်မနေ ကြုံတွေ့ရဖွယ်ရှိသည်။

အကြောင်းမှာ တပ်မတော်အစိုးရ၏ ခွာစစ်မဟာဗျူဟာ သဘောအရ ၂၀၁၅ ရွေးကောက်ပွဲတွင် ၎င်းတို့လုံခြုံရေးအတွက် လိုအပ်သည့် မဲအရေအတွက် မဖြစ်မနေရရှိရေး အလို့ငှာ ကြိုတင်ပြင်ဆင်ထားသည့် အစီအမံများ တစ်ခုမက ရှိနေနိုင်သောကြောင့် ဖြစ်သည်။

ထို့ကြောင့် ကစားပွဲတစ်ခုနှင့်တူသော ရွေးကောက်ပွဲ နိုင်ငံရေးသည် သရေရလဒ်ထွက်ရန် ကြိုတင်ပြင်ဆင်ထားသော အသင်းနှင့် ကျိန်းသေပေါက် အနိုင်တွက်ထားသည့် အသင်းတို့ ဗိုလ်လုပွဲတွင် ယှဉ်ပြိုင်နိုင်ဖွယ် ရှိလင့်ကစား အမှတ်ပေးစနစ်ဖြင့် ပတ်လည်ကစားရသည့် ပြိုင်ပွဲမျိုးဖြစ်သည့်အတွက် မိမိပြိုင်ဘက်၏ ဥပဒေတွင်းနှင့် ဥပဒေပြင်ပ ကစားကွက်များကို ကြိုတင်လေ့လာ ပြင်ဆင်ထားသူ၊ အပေးအယူ အလျှော့အတင်းဖြင့် ပါးရည်နပ်ရည်ရှိရှိ၊ ဆုတ်သာတက်သာ ထက်မြက်လိမ္မာစွာ ကစားတတ်သူ တစ်နည်းအားဖြင့် ပုံမှန်မဟုတ်သည့် ရွေးကောက်ပွဲနိုင်ငံရေးများကို ကောင်းစွာနားလည်သူများ အောင်မြင်မှု ရရှိနိုင်ကြောင်း သိစေလိုရင်းဖြစ်သည်။

အယ်ဒီတာ (၃၀-၃-၂၀၁၅)

(မှတ်ချက် - လက်ရှိအခြေအနေနှင့် ကိုက်ညီသောကြောင့် မတ်လ ၃၀ ရက်နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြလိုက်ခြင်း ဖြစ်ပါသည်။)

----------------------------------
Editorial, The Voice Weekly Vol-11/No-36