လေပြင်းနှင့် မိုးရွာသွန်းမှုများကြောင့် ပင်လည်ဘူးမြို့နယ်တွင် စာသင်ကျောင်း များ ပြိုကျ ပျက်စီး

မုံရွာ မေ(၄)

စစ်ကိုင်းတိုင်းဒေစကြီး၊ ပင်လည်ဘူးမြို့နယ်တွင် မေလ(၂)ရက်နေ့ ညနေ (၅း၃၀)နာရီ အချိန်က လေပြင်းနှင့် မိုးများ တိုက်ခတ် ရွာသွန်းမှုကြောင့်စာသင်ကျောင်းများ ပြိုကျခြင်း၊ အမိုးများ လေလန် ပျက်စီးခြင်း၊ လျှပ်စစ်မီးတိုင်များ ကျိုးကျခြင်းများ ဖြစ်ပေါ်ခဲ့သည်။

အဆိုပါ လေပြင်းနှင့် မိုးများ တိုက်ခတ် ရွာသွန်းမှုကြောင့် အင်ကုန်းကျေးရွာ မူလတန်းကျောင်းဆောင် ပြိုကျပြီး ဘုန်းတော်ကြီးကျောင်းနှင့် လူနေအိမ်အမိုးများ လေလန် ပျက်စီးကာ သွယ်တန်းဆဲ လျှပ်စစ်မီးတိုင်များ ကျိုးကျ ပျက်စီးခဲ့သည်။

အလားတူ ဆိုင်ယားကြီးကျေးရွာ အမက၊ မြို့မ(၁)အမကနှင့် မြို့မ(၂) အမကျောင်းရှိ ကျောင်းဆောင် အမိုးများ လေလန် ပျက်စီးပြီး မြို့နယ် ဘောလုံးကွင်း အုတ်တံတိုင်း ပြိုကျ ပျက်စီးခဲ့သည်။

လေဘေးဒဏ်သင့် ကျေးရွာများသို့ ပြည်သူ့လွှတ်တော်ကိုယ်စားလှယ် ဦးဝင်းသိန်း၊ မြို့နယ် စီမံခန့်ခွဲမှု ကော်မတီဥက္ကဌ ဦးစန်းလွင်နှင့် ဌာနဆိုင်ရာ များက သွားရောက် ကြည့်ရှု စစ်ဆေးခဲ့ပြီး လိုအပ်သည်များ ကို ဖြည့်ဆည်း ဆောင်ရွက်ပေးကာ မီးသတ် တပ်ဖွဲ့ဝင်များ ကျေးရွာ ရပ်မိ ရပ်ဖများနှင့် ကျေးရွာ ပြည်သူများက ပျက်စီးမှုများကို စုပေါင်း ရှင်းလင်း ဖယ်ရှားခဲ့ကြောင်း သိရသည်။

Aye Chan Mon# Credit To :MOI Webportal Myanmar
သတင်းအစုံကို https://www.facebook.com/excellencemediaတွင်ဝင်ရောက်ကြည့်ရှုနိုင်ပါသည်။