ကိုးကွယ်ရာဘာသာ ကူးပြောင်းခြင်းဆိုင်ရာနှင့် လူဦးရေတိုးပွားနှုန်း ထိန်းညှိရေးဆိုင်ရာ ဥပဒေကြမ်းများ ရေးဆွဲရေးကော်မရှင်၏ အစည်းအဝေး နှစ်ရက်ဆက်ပြုလုပ်

Published on: April 30, 2014

ကိုးကွယ်ရာဘာသာ ကူးပြောင်းခြင်းဆိုင်ရာနှင့် လူဦးရေတိုးပွားနှုန်း ထိန်းညှိရေးဆိုင်ရာ ဥပဒေကြမ်းများ ရေးဆွဲရေးကော်မရှင်၏ ဒုတိယအကြိမ် အစည်းအဝေးများကို ဧပြီ ၂၉ နှင့် ၃၀ ရက်များတွင် နေပြည်တော်ရှိ ပြည်ထောင်စုရှေ့နေချုပ်ရုံး အစည်းအဝေးခန်း၌ နှစ်ရက်ကြာ ပြုလုပ်ခဲ့ကြောင်း အစိုးရသတင်းစာများ၏ ထုတ်ပြန်ချက်အရ သိရသည်။

အစည်းအဝေး ပထမနေ့တွင် အဆိုပါကော်မရှင်ဥက္ကဋ္ဌ ပြည်ထောင်စုရှေ့နေချုပ်ရုံး ဒုတိယရှေ့နေချုပ် ဦးထွန်းထွန်းဦးက ကော်မရှင်က စတင်ရေးဆွဲတင်ပြသော ဥပဒေကြမ်းများသည် ဖွဲ့စည်းပုံအခြေခံဥပဒေနှင့် မဆန့်ကျင်သော၊ နိုင်ငံတကာမှ လက်ခံနိုင်သော၊ ပြည်သူအများက လက်ခံနိုင်သော၊ လိုက်နာကျင့်သုံးနိုင်သော ဥပဒေကြမ်းများဖြစ်ရန် အရေးကြီးကြောင်း စသည်ဖြင့် ပြောကြားခဲ့ကြောင်း သိရသည်။

ထို့ပြင် ကော်မရှင်အဖွဲ့ဝင်များ အနေဖြင့် ယခုအစည်းအဝေးတွင် ကနဦးမူကြမ်းများအပေါ် ပြည်သူတို့၏ကိုယ်စား ဆွေးနွေးအကြံပြုပေးကြရန် မေတ္တာရပ်ခံလိုကြောင်း၊ ဥပဒေအသီးသီး၏ ပထမမူကြမ်းများကို ကော်မရှင်အဖွဲ့က ရေးသားအတည်ပြုပြီးပါက အများပြည်သူထံမှ သင့်မြတ်သည့် အကြံဉာဏ်များ ရရှိနိုင်ရန်လည်း ဥပဒေကြမ်းများကို ဆက်လက်တင်ပြ ဆောင်ရွက်သွားမည် ဖြစ်ကြောင်းဖြင့်လည်း ၎င်းက ပြောကြားခဲ့ကြောင်း သိရသည်။ အဆိုပါကော်မရှင်ကို ပြီးခဲ့သည့် မတ် ၇ ရက်က သမ္မတဦးသိန်းစိန်ကိုယ်တိုင် ဖွဲ့စည်းပေးခဲ့ခြင်းဖြစ်ပြီး ပထမအကြိမ် အစည်းအဝေးကို မတ် ၂၅ ရက်က ပြုလုပ်ခဲ့ကြောင်း သိရသည်။

အမျိုးဘာသာသာသနာ စောင့်ရှောက်ရေးနှင့်ဆိုင်သော ဥပဒေလေးခုကို ရေးဆွဲပေးရန် သမ္မတဦးသိန်းစိန်က ပြီးခဲ့သည့် ပြည်ထောင်စုလွှတ်တော် န၀မပုံမှန် အစည်းအဝေးသို့ သ၀ဏ်လွှာ ပေးပို့ခဲ့သည်။ ယင်းအပေါ်တွင် ပြည်ထောင်စုလွှတ်တော်နာယကက အဆိုပါဥပဒေကြမ်းများ ရေးဆွဲရန် သက်ဆိုင်ရာဝန်ကြီးဌာနများနှင့် ဌာနဆိုင်ရာများက ပြုလုပ်ရမည်ဟု ပြန်လည်သ၀ဏ်လွှာ ပေးပို့ခဲ့သည်။

ထို့နောက် အဆိုပါဥပဒေကြမ်း လေးခုမှ ကိုးကွယ်ရာဘာသာ ကူးပြောင်းခြင်းဆိုင်ရာနှင့် လူဦးရေတိုးပွားနှုန်း ထိန်းညှိရေးဆိုင်ရာ ဥပဒေကြမ်းများကို စတင်ရေးဆွဲရန် သမ္မတဦးသိန်းစိန်က ကော်မရှင်တစ်ရပ် ဖွဲ့စည်းပေးခဲ့ခြင်းဖြစ်သည်။

ကော်မရှင်၏ လုပ်ငန်းတာဝန်များတွင် လိုအပ်ပါက ပွင့်လင်းမြင်သာစွာဖြင့် အစည်းအဝေးနှင့် အလုပ်ရုံဆွေးနွေးပွဲများ ကျင်းပကာ ဥပဒေကြမ်းရေးဆွဲရာတွင် ပါဝင်သင့်သော အချက်အလက်များ ဖော်ထုတ်ရန်၊ ဥပဒေကြမ်း ရေးဆွဲရာတွင် အခြေခံရမည့် အချက်များအဖြစ် ဖွဲ့စည်းပုံအခြေခံဥပဒေနှင့် ညီညွတ်ပြီး ကွဲပြားသော ဘာသာအယူဝါဒ ရှိနေမှုနှင့် တိုင်းရင်းသားစည်းလုံးညီညွတ်မှု ခိုင်မြဲစေရေးတို့ကို အလေးထား သုံးသပ်ရေးဆွဲရန်၊ နိုင်ငံတော်နှင့် ပြည်သူတို့အတွက် ရေရှည်အကျိုးရှိစေပြီး တစ်နိုင်ငံလုံး လွှမ်းခြုံကျင့်သုံးနိုင်စေရန် စသည့်အချက်များ ပါဝင်သည်။

ဥပဒေကြမ်းအား ရေးဆွဲပြုစုရမည့် နည်းလမ်းများအဖြစ် မြန်မာ့ယဉ်ကျေးမှု ဓလေ့ထုံးတမ်း စဉ်လာများနှင့် ကိုက်ညီစေရန် ရေးဆွဲပြုစုခြင်း၊ ရဟန်းရှင်လူ ပြည်သူများထံမှ လည်းကောင်း၊ ဘာသာရပ်ကျွမ်းကျင်သူများထံမှ လည်းကောင်း အကြံပြုချက်များ သို့မဟုတ် ဥပဒေကြမ်းများကို ဖိတ်ခေါ်တောင်းခံ၍ အချက်အလက်ရယူပြီး ရေးဆွဲရန် စသည်ဖြင့် ဖော်ပြထားသည်။

ကော်မရှင်အနေဖြင့် အပြီးသတ်ပြုစု ရေးဆွဲပြီးသည့် ဥပဒေကြမ်းနှစ်ရပ်ကို ၂၀၁၄ ခုနှစ် ဇွန် ၃၀ ရက်ထက် နောက်မကျစေဘဲ သမ္မတထံ တင်ပြရမည်ဖြစ်ပြီး အဆိုပါ ဥပဒေကြမ်းနှစ်ရပ်အား ဥပဒေအဖြစ် အတည်ပြု ပြဋ္ဌာန်းပြီးမှသာ ကော်မရှင်လုပ်ငန်းတာဝန် ပြီးဆုံးမည်ဖြစ်သည်။

Aye Chan Mon# Credit To : Eleven Media Group > ပြန်လည် မျဝေခြင်း ဖြစ်ပါသည်