မုတ်သုံလေဦးအားရှာဖွေခြင်း ဘယ်ရပ်ဌာနေ၊ ဘယ်ဆီများ၊ သွားပါလိမ့်၊ နေစိမ့်တဲ့သူရေ

Monsoon Onset Update
7-4-2014
6:26 am

ဧပြီလ(၁၅)ရက်နေ့ကစပြီး မိုးကြိုကာလကို ၀င်ရောက်တော့မှာဖြစ်ပါတယ်။ ဒီတော့ ဒီနှစ်အတွက် မုတ်သုံလေဦး(Monsoon Front) ဟာ ဘယ်လိုအနေအထားရှိနေတယ်ဆိုတာကို မိုးလေ၀သ လက်နက်ကြီးတွေဖြစ်တဲ့
(၁) လေထုဖိအားအခြေအနေ(Pressure Field)
(၂) လေတိုက်ခတ်မှုအခြေအနေ (Wind Field)
(၃) တိမ်ဖြစ်ပေါ်မှုအခြေအနေ (Cloud Field)
ဒါတွေကို လေ့လာလိုက်တော့ အားလုံးက စံနစ်တကျနဲ့ မုတ်သု့လေဦးရောက်ရှိနေတဲ့နေရာကေို ဖေါ်ပြနေကြပါတယ်။

လက်ရှိအခြေအနေအရတွေ့ရှိချက်ကတော့ အီကွေတာရပ်ဝန်းလောက်မှာ ရောက်ရှိနေပါတယ်။
အဲဒီလေဦးဟာ နောက်တစ်လလောက်အကြာမှာ မြန်မာနိုင်ငံတောင်ဖက်အစွန်းလောက်ကို
ရောက်ရှိရမှာဖြစ်ပါတယ်။

အနေအထားအရ မုတ်သုံလေဦးမြောက်ဖက်(အထက်ဖက်ကိုတက်ရာမှာ အိန္ဒိယဖက် ကတော့ လေနွေးတွေဟာ အိန္ဒိယနိုင်ငံမြောက်ပိုင်းအထိ ရောက်နေလေတော့ ပိုပြီးမြန်နိုင်တာ တွေ့ရပါတယ်။
မြန်မာနိုင်ငံ ဖက်ကတော့ တရုတ်ပြည်မကြီးဖက်က လေအေးတွေ ဆက်လက် အားကောင်းနေဆဲမို့ မုတ်သုံကျတာ(မိုးဝင်တာ) နည်းနည်းတော့ နောက်ကျဦးမှာပါဘဲ။

အနောက်ဖက်က အိန္ဒိယ နဲ့ အရှေ့ဖက်က မြန်မာနိုင်ငံတို့ဟာ ဘေးချင်းယှဉ်နေပေမယ့် ရာသီဥတုတွေက ကွဲပြားနေပါတယ်။ ဒါကို မိုးလေ၀သပညာမှာတော့ Zonal Assymmetry လို့ခေါ်ပါတယ်။

ဒေါက်တာထွန်းလွင်

Aye Chan Mon# Credit To : Tun Lwin > ပြန်လည် မျဝေခြင်း ဖြစ်ပါသည်