ပြည်သူများ ဝမ်းသာ (သို့သော်) မပျော်နိုင်သေးပါ

Posted by AF in ဆောင်းပါးများ

၂ဝ၁၃ နိုဝင်ဘာ ၁ ရက်နေ့ သတင်းစာ ကောက်ဖတ်လိုက်ရာ ကျေးလက် မီးလင်းရေး အကောင်အထည်ဖော် ဆောင်ရွက်မှု အခြေ အနေကို ဖော်ပြသည့် သတင်း အချက် အလက် ဇယား တစ်ခု ပါလာပါသည်။ သာမန်ပြည်သူ အနေဖြင့်တော့ အတော်ပင် ဝမ်းသာခဲ့ရ ပါသည်။ သို့ရာတွင် ယခုကဲ့သို့ပင် ”၂ဝဝ၈ အရောက် တစ်နိုင်ငံလုံး မီးလင်း တော့မည်” ဟူသော စာတန်း ခေါင်းစီး ကြီးဖြင့် သတင်းစာ မျက်နှာဖုံးတွင် စာလုံး မဲမဲကြီးဖြင့် ဝင့်ကြွားစွာ ဖော်ပြခဲ့ဖူးပေပြီ။ ပြည်သူများ ယခုထိ မပျော်နိုင် သေး ပါ။

ယခင် တစ်ရက် ကပင် မီတာကျ သင့်နှုန်းများကို တိုးမြှင့်လိုက်ကြောင်း သတင်းပါလာသည်။ ၄င်းသတင်းကြောင့် အတော်ပင် စိတ်မကောင်း ဖြစ်ခဲ့ကြပြီး ဖြစ်ပါသည်။ ရန်ကုန် မြို့မှာပင် မီးမှန်မှန် မရသေးသော မြို့နယ် အများအပြား ရှိ သေးသည်။ ရန်ကုန်သား တို့စိတ်တွင် ကိုယ်စီ အတွေးများ ဖြစ်လာရပေပြီ။

ယခု တွေ့ရှိရသော စာရင်းဇယား များအရ ကျေးရွာစုစုပေါင်း ၆၄၉၁၇ ရွာ မြန်မာနိုင်ငံ အတွင်း ရှိသည်ဟု ဖော်ပြထားသည်။ ၂ဝ၁၃-၂ဝ၁၄ ဘဏ္ဍာရေး နှစ် အထိ မီးလင်း ပြီး (သို့) ဆောင် ရွက် ပြီးစီးသည့် ကျေးရွာ ၂၁၆၇၅ ရွာ ဟု ဖော်ပြ ထားပါသည်။

စာရင်း ဇယားတစ်ခုကို ဖော်ပြ ကြေညာရာတွင် တာဝန်ယူမှု ရှိရန် လို အပ်ပါသည်။ စာရွက်ပေါ်တွင် ရောက်ရှိ လာသော စာရင်းတစ်ခု သည် ၉ဝ ရာခိုင် နှုန်း မှန်သလား။ မည်သည့် အခြေခံ အချက်များပေါ် မူတည်၍ မှန်ကန်သည် ဟု ကောက်ချက် ချပါသနည်း။ မေးခွန်း ထုတ်စရာဖြစ်လာပါသည်။

- အချို့ကျေးရွာများ ကိုယ်ပိုင်မီး စက်နှင့် ထွန်းနေကြတာကို ဒီစာရင်းထဲ မှာ ထည့်လိုက်ပြီလား။

 - တစ်နေ့တွင် မီးလင်းချိန်ဘယ် လောက်ရှိသလဲ။

- တစ်နေ့ကို ၂ နာရီ ၃ နာရီ ညဦးပိုင်းမီးလင်းသည်ကို မီးလင်းပြီဟု သတ်မှတ်ပါသလား။ေ

- တစ်အိမ်ကို ၂ ပေမီးချောင်း တစ်ချောင်းသာထွန်းရပြီး တီဗီပင် ကြည့်၍မရသော ရွာများအဖြစ် ဘယ် လောက်ရှိနေသလဲ။

- စက်ကို အစိုးရပေး၊ ဆီကိုကိုယ့် နည်းကိုယ့်ဟန်ဖြင့်ဝယ်ထွန်းနေရသော ရွာ (သို့) မြို့နယ်ဘယ်လောက်ရှိနေသေး သလဲ။

ရန်ကုန်မြို့တော်ကြီးမှာပင် ၂၄ နာရီ မီးရသော်လည်း (၁၅ဝ-၁၈ဝ V ) အကြားသာ ရှိသည့် မြို့နယ်များ ရှိနေပါ သေးသည်။

- ကျေးရွာများတွင် မီးထွန်းရ သော်လည်း တစ်ယူနစ်ကို ၅ဝဝ ကျပ် ၆ဝဝ ကျပ်ပေးနေရသော အခြေအနေ ဖြစ်နေသလား။

- မီးစက် စနစ်ဖြင့်ပေးနေသော ကျေးရွာ ၁၂၇၈၃ ရွာဟု ဖော်ပြထား သဖြင့် ထိုဈေးနှုန်းဖြင့်သာ ထွန်းကြရ မည်ဟု ထင်မိပါသည်။

စာရင်းဇယားထဲတွင် လျှပ်စစ် ဓာတ်အားစနစ်ပေးဝေရရှိသောရွာ ၄၇၈၅ ရွာရှိသည်ကို တွေ့ရှိရပါသည်။

- ဒီကျေးရွာတွေရော ၂၄ နာရီ မီးရပြီလား။

-လျှပ်စစ် ဓာတ်အားလိုင်း ဆိုသည် မှာ မြန်မာနိုင်ငံတွင် ရေအား လျှပ်စစ်ကို အဓိက အားကိုး၍ မီးလင်းနေရသော ကြောင့် နွေရာသီ ၄ လခန့်တွင် ရေခမ်း မီးမလာ ရက်တွေ ဘယ်လောက် ရှိသလဲ။

- ရေပြတ်သည်နှင့် မီးဖြတ်ခံရ တော့သည်။

ဤကဲ့သို့ပင် ဌာနဆိုင်ရာ များတွင် ပြည်သူများအား ချပြသည့် စာရင်းဇယား များကို ဂုဏ်ယူဝင့်ကြွားစွာ ဖော်ပြတတ် ကြသည်။

၂ဝ၁ဝ ခုနှစ်ထုတ် မြန်မာနိုင်ငံ၏ လျှပ်စစ် စွမ်းအားကဏ္ဍ ဖွံ့ဖြိုးတိုးတက်မှု အခြေပြ ဇယားတွင်လည်း ၂ဝ၁ဝ ဒီဇင်ဘာ ၃၁ ရက်နေ့ အထိ လျှပ်စစ်ဓာတ် အား ပေး စက်များ ၏ စက်တပ် ဆင်အားမှာ စုစုပေါင်း မဂ္ဂါ ဝပ် ၃၃၄၄ ဟုဖော်ပြထား ပြီး စာရင်း တင်ခဲ့ဖူးပါပြီ။ စက်တစ်လုံး၏ စတင် ထုတ်လုပ်ပေးနိုင်သည့် ဗို့အား ဂဏန်းမှာ နှစ် ၃ဝ ကြာအထိ ၄င်းဂဏန်း အမှတ်အသား ပျက်ပြယ် မသွားပါ။ သို့ရာတွင် စက်ကတော့ အမှန်တကယ် အလုပ် မလုပ်နိုင်တော့ပါ။ ထို့အပြင် ရေအား လျှပ်စစ် မှာ ရေ အပြည့်အဝ ရှိနေ မှသာ ဓာတ်အား အပြည့် ထုတ်လုပ်နိုင် ပါသည်။ သို့ရာတွင် သွယ်တန်း ရသော ကြိုးရှည်လျှင် လမ်းတွင် လျှပ်စစ်ဓာတ် အား ဆုံးရှုံးမှု များစွာ ရှိနိုင် ပါသေးသည်။

နိုင်ငံငယ် တစ်ခုအတွင်း နှစ်ပေါင်း ဆယ်စုချီ၍ တည်ဆောက် တပ်ဆင် လျှပ်စစ်ဖြင့် နိုင်ငံကို ယနေ့အထိ အလှ မဆင်နိုင်သေးသည်ကို ပြည်သူ တစ်ယောက် အနေဖြင့် မပျော်နိုင်သေးပါ။

ဤဆောင်းပါး ရေးနေချိန်တွင်ပင် မီးက ပြတ်တောက် သွားပါသည်။ ခဏ ဟုထင်မိ၏။ တစ်ရက်ခန့် ကြာမှ မီးပြန်လာသည်။ လှိုင်မြို့နယ်နှင့် မရမ်းကုန်း မြို့နယ်နှစ် ခု ဖြစ်ပါသည်။

ကျွန်တော် အသက် ၅ဝ ကျော်ပါ ပြီ။ မှတ်မိ သလောက် မိမိမွေးဖွား ရာဇာတိ ရခိုင်ပြည်နယ်၊ မာန်အောင် မြို့နယ် ဖြစ်ပါသည်။ ၁၉၇ဝ ခုနှစ်ခန့် တွင် ညနေ ၆ နာရီမှ ည ၁၂ နာရီ အထိ မီးပေးခဲ့ ဖူးသည်။ ဒီဇယ်ဖြင့် ထွန်းရသော မီးစက် ဖြစ်သည်။ ယခုအခါ ည ၁ဝ နာရီ အထိ သာမီးပေးနေကြောင်း သိရှိရပါသည်။

ကျွန်တော်တို့ မူလတန်းကျောင်း သားဘဝ ၁၉၆ဝ ခန့်က မိုးအလင်းမီး ပေးသည်ဟု ကျွန်တော့် အဖေပြောဖူး သည်ကို ကျွန်တော် မယုံတစ်ဝက် ယုံတစ် ဝက်ဖြစ်နေရ ပါသည်။ လျှပ်စစ်မီးကို အိမ်တိုင်းစေ့ ထွန်းကြရန်နှင့် လျှပ်စစ်မီတာကို အိမ်တိုင်ရာရောက် တပ်ဆင်ကာ Promotion လုပ်ခဲ့ရသည်ဟု မြို့နယ် လျှပ်စစ်မှူးလုပ်ခဲ့ဖူးသည့် ကျွန်တော့် အဖေ တစ်ယောက် သက်ရှိ ရှိနေဆဲပါ။ အသက် ၈၅ နှစ်ခန့် ရှိနေပါပြီ။ ရခိုင် ပြည်နယ်၏ အခက်ခဲဆုံး မြို့နယ်တစ်ခု တွင်ရှိနေဆဲပါ။

ဒီတစ်ခေါက် အဖေ ရှိရာသို့ သွား ရောက်သည့် အခါ အဖေ တို့ရဲ့ လျှပ်စစ် စီမံကိန်း ပုံပြင် တစ်ပုဒ်ကို ကျွန်တော် မှတ်တမ်းတင်၍ ယုံတမ်းစကား ပုံပြင် အဖြစ် ကျွန်တော်ပြန် လည်ပြောပြပါဦးမည်။

ကိုလင်းမာန်အောင်

အေးချမ်းမွန် Credit To >Popular Myanmar News Journal

https://www.facebook.com/excellencemedia