မြန်မာနိုင်ငံတွင် ကြွေးမြီများလာခြင်း၊ နိုင်ငံရသုံးငွေစာရင်း တိုးမြင့်လာခြင်းနှင့် ကုန်သွယ်မှု လိုငွေများလာမှုများကို သတိပြုရန်လိုကြောင်း အာရှဖွံ့ဖြိုးရေးဘဏ် အစီရင်ခံစာတွင် ဖော်ပြ

နိုင်ငံတကာနှင့် ပင်လယ်ရေကြောင်း ကုန်သွယ်မှုပြုသည့် ဗိုလ်အောင်ကျော် ဆိပ်ကမ်းအား တွေ့ရစဉ် (ဓာတ်ပုံ-အောင်မျိုးသန့်)

မြန်မာနိုင်ငံတွင် ကြွေးမြီ များပြားလာခြင်း၊ နိုင်ငံ ရသုံးငွေစာရင်း တိုးမြင့်လာခြင်းနှင့် ကုန်သွယ်မှု လိုငွေ များပြားလာမှုများအား သတိပြုရန် လိုအပ်နေကြောင်း အာရှဖွံ့ဖြိုးရေးဘဏ်မှ ထုတ်ပြန်သည့် အာရှဖွံ့ဖြိုးမှု အလားအလာ ၂၀၁၅ ခုနှစ် မွမ်းမံ အစီရင်ခံစာတွင် ဖော်ပြထားသည်။

အဆိုပါ အစီရင်ခံစာတွင် အရှေ့တောင် အာရှနိုင်ငံများ အာရှ ဖွံ့ဖြိုးရေးဘဏ်၏ အဖွဲ့ဝင် ဖွံ့ဖြိုးပြီး အာရှနိုင်ငံများ၊ အာရှအလယ်ပိုင်း၊ အရှေ့အာရှ၊ တောင်အာရှ၊ ပစိဖိတ် ဒေသတွင်းနိုင်ငံများ၏ ၂၀၁၅ ခုနှစ် စက်တင်ဘာ နောက်ဆုံးရ အချက်အလက်များကို အခြေခံပြီး ခန့်မှန်း တွက်ချက်မှုများအား ဖော်ပြထားသည်။

အရှေ့တောင်အာရှ၏ တိုးတက်မှု ကာမိစေရန် လုပ်ဆောင်ခြင်းများသည် လာမည့်နှစ်တွင် နှောင့်နှေးနိုင်ကြောင်း အာရှဖွံ့ဖြိုးရေးဘဏ်က ခန့်မှန်း သုံးသပ်ထားသည်။ဒေသအလိုက် တိုးတက်မှုခန့်မှန်းမှုတွင် ၂၀၁၄ ခုနှစ် ၄ ဒသမ ၉ ရာခိုင်နှုန်းဟု လည်းကောင်း ၊ ၂၀၁၅ ခုနှစ်တွင် ၄ ဒသမ ၄ ရာခိုင်နှုန်း အာရှ ဖွံ့ဖြိုးမှု အလားအလာ ၂၀၁၅ ခုနှစ် အစီရင်ခံစာတွင် ခန့်မှန်းဖော်ပြခဲ့သည်။ အာဆီယံ ဒေသအလိုက် ငွေကြေး ဖောင်းပွမှုတွင် သုံးရာခိုင်နှုန်းအထိ ရှိနိုင်ပြီး ၂၀၁၆ ခုနှစ်တွင် ၃ ဒသမ ၃ ရာခိုင်နှုန်းအထိ မြင့်တက်လာနိုင်ကြောင်း ခန့်မှန်း ထုတ်ပြန်ထားသည်။ ဒေသတွင်းတွင် မြန်မာနိုင်ငံ၏ စိုက်ပျိုးရေး ကဏ္ဍသည် ရေကြီး နစ်မြုပ်မှုများကြောင့် အထိနာခဲ့ကြောင်း ဖော်ပြထားသည်။

နိုင်ငံတကာ ငွေကြေး ရန်ပုံငွေအဖွဲ့မှလည်း ငွေကြေးဖောင်းပွမှု မြင့်တက်လာခြင်း၊ ကျပ်ငွေတန်ဖိုး ဆက်တိုက် ကျဆင်းနေခြင်း၊ စာရင်းရှင် ငွေစာရင်း၊ လိုငွေ ပိုငွေ များပြားလာခြင်းများ ရှိနေကြောင်း၊ယခုဘဏ္ဍာနှစ်တွင် အစိုးရ အသုံးစရိတ်လိုငွေ ဂျီဒီပီ၏ ၄ ဒသမ ၈ ရာခိုင်နှုန်းအထိ မြင့်တက်လာနိုင်ကြောင်း သိရသည်။

ထို့အပြင် ပုဂ္ဂလိက ကဏ္ဍချေးငွေ ထုတ်ချေးမှု အနေဖြင့် ရာခိုင်နှုန်း ၄၅ အထိ မြင့်တက်လာနိုင်ပြီး ယင်းကဲ့သို့ ချေးငွေထုတ်ချေးမှု များပြားလာခြင်းနှင့်အတူ ပြီးခဲ့သည့် မေလတွင် ငွေကြေး ဖောင်းပွမှုနှုန်းမှာ ရှစ်ရာခိုင် နှုန်းအထိ ရောက်ရှိခဲ့ကြောင်း ရေကြီး နစ်မြုပ်မှုများကြောင့် စိုက်ပျိုးရေး ကဏ္ဍအပေါ်တွင် သက်ရောက်မှုများကို ထည့်တွက်ပါက ကုန်ဈေးနှုန်းများ ထပ်မံ မြင့်တက်လာနိုင်ကြောင်း ထုတ်ပြန်ချက်တွင် ဖော်ပြထားသည်။

အလားတူ ပြီးခဲ့သည့်နှစ်က စာရင်းရှင် ငွေစာရင်းတွင် ဂျီဒီပီ၏ ခြောက်ရာခိုင်နှုန်းထက် ပိုမိုသည့် လိုငွေပြခဲ့ကြောင်း အဓိကမှာ ကုန်သွယ်မှု လိုငွေကြောင့် ဖြစ်ပေါ်ခဲ့ခြင်း ဖြစ်ကြောင်း၊ အကျိုးဆက်အနေဖြင့် နိုင်ငံခြား အရန်ငွေကြေး ပမာဏမှာ နည်းပါးလာခဲ့ပြီး သွင်းကုန်သုံး လစာပမာဏအောက် လျော့နည်းလာကြောင်း နိုင်ငံတကာ ငွေကြေးအဖွဲ့အနေဖြင့် သွင်းကုန်၏ ငါးလစာမှ ခြောက်လစာ အထိ စုဆောင်း နိုင်လိမ့်မည်ဟု မျှော်လင့်ထားခဲ့ကြောင်း ထုတ်ပြန်ချက်တွင် ဖော်ပြထားသည်။

ယခုအစီရင်ခံစာအနေဖြင့် တာဝန်ရှိသူများ အနေဖြင့် အစိုးရ ကောက်ခံရရှိငွေကို တိုးတက်စေပြီး သုံးစွဲရာတွင် ဦးစားပေး အစီအစဉ်များကို ပြန်လည် သုံးသပ်ခြင်းဖြင့် အစိုးရ အသုံးစရိတ် လိုငွေကို လျှော့ချသင့်ကြောင်း ဖော်ပြထားသည်။

Writer: 

ဆန်းထူးအောင်၊ ထက်သျှိုင်း

http://news-eleven.com/