လှေမှောက်သေဆုံးနေမှု ကိုင်တွယ်ဖို့ အီးယူအပေါ် ဖိအားတိုး

မြေထဲပင်လယ်ထဲမှာ အာဖရိကတိုက်က လာကြသူတွေ လှေမှောက် သေဆုံး နေရတာတွေ ဆက်လက် ဖြစ်ပေါ်နေတဲ့အတွက် အဲဒီ့ ပင်လယ်ပြင်မှာ ကင်းလှည့် စောင့်ကြည့်ပုံ စောင့်ကြည့်နည်းတွေ ပြုပြင်ပြောင်းလဲဖို့ ဥရောပ ခေါင်းဆောင်တွေ အပေါ် ဖိအားတွေ အတော် ကျရောက်နေပါတယ်။
လစ်ဗျား ကမ်းရိုးတမ်း အလွန်မှာ လှေမှောက်ခဲ့ပြန်တဲ့အတွက် လူတွေ ရာနဲ့ချီ သေဆုံးခဲ့ကြရတယ်လို့ ခန့်မှန်းနေကြပါတယ်။
ရွှေ့ပြောင်း ဝင်ရောက်သူတွေ အပြည့် တင်လာတဲ့ ငါးဖမ်းလှေ တစ်စင်းဟာ ကုန်တင် သင်္ဘောတစ်စင်းနဲ့ အဆုံမှာ အဲဒီ့ သင်္ဘောပေါ် လိုက်ပါခွင့်ရဖို့ လှေတစ်ဘက်တည်းကို လူတွေ ပြုံပြီး တိုးကြရာက လှေမှောက်ခဲ့ရတာ ဖြစ်ပါတယ်။
အီတလီ အာဏာပိုင်တွေက သင်္ဘော အင်အား အစင်း ၂၀ နဲ့ ရဟတ်ယာဉ် ၃ စင်း အသုံးပြုပြီး ကယ်ဆယ်ရေးတွေ လုပ်နေတာမှာ အခု လောလောဆယ် အထိတော့ လူ ၃၀ လောက် ကယ်တင်ထားနိုင်ပါတယ်။
အခင်းဖြစ်ပေါ်ရာ နေရာက ရေပြင်ဟာ တခြားနေရာတွေ ထက်စာရင် ပိုနွေးနေတာ ကြောင့် လူတွေကို ပိုပြီး အသက်ရှင်လျက် ကယ်နိုင်မယ်လို့ ရှာဖွေရေး လုပ်နေသူတွေက မျှော်လင့်ထားပါတယ်။
ဒီလို မြေထဲ ပင်လယ်ထဲ ရွှေ့ပြောင်း ဝင်ရောက်နေသူတွေ အရေးကို ကိုင်တွယ်ဖို့ အခု သီတင်းပတ်ထဲမှာပဲ ဥရောပ သမဂ္ဂ အီးယူ ခေါင်းဆောင်တွေရဲ့ ထိပ်သီး အစည်းအဝေး ခေါ်ယူနိုင်ရေးအတွက် တောင်းဆိုမယ်လို့ အီတလီ ဝန်ကြီးချုပ် မက်ထေးအို ရဲန်ဇီက ပြောပါတယ်။
အခုလို လူတွေ အမြောက်အများ သေဆုံးနေရမှုမှာ အဓိက တာဝန်ရှိတဲ့ လူမှောင်ခို ကူးသူတွေကို တိုက်ဖျက်ရေးမှာလည်း ပိုပြီး အားစိုက်ထုတ်ကြဖို့ ဝန်ကြီးချုပ် ရဲန်ဇီက တိုက်တွန်းခဲ့ပါတယ်။
လူတွေ ရွှေ့ပြောင်း ဝင်ရောက်မှု တန့်သွားအောင်လို့ ရည်ရွယ်ပြီး မြေထဲပင်လယ်ထဲမှာ ဥရောပသမဂ္ဂ အီးယူ အနေနဲ့ ရှာဖွေ ကယ်ဆယ်ရေး လုပ်ငန်းတွေကို ပြီးခဲ့တဲ့နှစ်က လျှော့ချခဲ့ကြပါတယ်။
ဒီနေ့ တနင်္လာမှာတော့ ဒီ ပြဿနာ နဲ့ပတ်သက်ပြီး အီးယူအဖွဲ့ဝင် နိုင်ငံတွေက ဝန်ကြီး အဆင့်တွေ တွေ့ဆုံဆွေးနွေးကြဖို့ ရှိပါတယ်။

ACM Credit To ;BBC Burmese
http://www.ayechanmon-news1.com/