ACM Re-Post 21-6-2014
တရုတ်နိုင်ငံတွင် အမျိုးသမီး ရှားပါးမှုကြောင့် မြန်မာ
အမျိုးသမီးများကို ၀ယ်ယူ ပေါင်းသင်းလျက် ရှိရာ ယခင်က ကျပ်သိန်း
(၅၀)၀န်းကျင်သာ ရှိခဲ့ရာမှ ယခုနှစ်မှ စတင်၍ ကျပ်သိန်း (၁၀၀) ၀န်းကျင်
ထိပေး၍ ၀ယ်ယူမှုများ ရှိလာကြောင်း မြန်မာနိုင်ငံ လူကုန်ကူးမှု တားဆီးရေးနှင့်
တိုက်ဖျက် နှိမ်နှင်းရေး(ဗဟို) မှ စုံစမ်း သိရသည်။ တရုတ်နိုင်ငံတွင်
အမျိုးသမီးများ ရှားပါးလာမှုနှင့် အတူ လူကုန်ကူး
တိုက်ဖျက်ရေး လုပ်ငန်းများကို နိုင်ငံတကာက အရှိန်အဟုန်မြှင့် ဆောင်ရွက်လာ
သောကြောင့် ယင်းကဲ့သို့ ဈေးတိုးမြှင့်ပေးဝယ်လာခြင်း ဖြစ်ကြောင်း အဆိုပါ
ဌာနမှ ရဲအုပ်မင်းနိုင် ကပြောသည်။
ယခု နောက်ပိုင်းတွင် တရုတ် နိုင်ငံသို့ မြန်မာ အမျိုးသမီးများကို ပို့ဆောင်မှုသည် ယခင်ကာလများက ကဲ့သို့ ပွဲစားများက လိမ်လည်၍ ခေါ်ဆောင်ခြင်းမျိုး မဟုတ်တော့ဘဲ ကာယကံရှင်များကို တရုတ် အမျိုးသားများ နှင့်ပေါင်းသင်းရမည်ဟု တရားဝင် ခေါ်ဆောင်မှုများ ရှိလာသည်။ ယင်းကဲ့သို့ ခေါ်ဆောင်ရာ၌ သာမန် အမျိုးသမီးများ ထက် ပြည့်တန်ဆာ လုပ်ငန်းများတွင် လုပ်ကိုင်နေကြသော အမျိုးသမီးငယ်များကို ပိုမို ရွေးချယ်လာ ကြကြောင်း သိရသည်။
ပွဲစားတွေက တရုတ်မှာ အလုပ်ရမယ်လို့ ပြောပြီး လိမ်ခေါ်လာလို့ တာဝန်ရှိသူတွေ စစ်ရင် အမှုမှန်ပေါ်သွားနိုင်တဲ့အတွက် ပွင့်ပွင့် လင်းလင်း ပြောပြီးခေါ်လာကြတယ်။ ဒါပေမဲ့ ပွဲစားတွေက ပြောတဲ့အတိုင်း အမျိုးသမီးတွေ ခံစားခွင့် မရကြဘူး။ ဒါကြောင့် လွယ်လွယ်နဲ့ နားမယောင်ကြဖို့လိုတယ်ဟု ရဲအုပ်မင်းနိုင် က ဆက်လက် ပြောကြားသည်။ လူကုန်ကူးမှု တားဆီးရေးနှင့် တိုက်ဖျက် နှိမ်နှင်းရေး ဗဟို၏ ထုတ်ပြန်ချက်များ အရ မြန်မာနိုင်ငံမှ ပြည်ပ သို့ လူကုန်ကူးမှု အများဆုံး ပြုလုပ်လေ့ရှိသည့် နိုင်ငံမှာ တရုတ်နိုင်ငံဖြစ်ပြီး အမျိုးသမီးများမှာ အများဆုံး ဖြစ်ကြောင်း သိရသည်။
ယခုနှစ် ဇန်န၀ါရီလမှ မေလ အတွင်း ဖြစ်ပေါ်ခဲသော လူကုန်ကူးမှုများမှာလည်း တရုတ် နိုင်ငံသို့ပင် ဦးတည်နေကြောင်း သိရသည်။ ယခုနှစ် တွင်း လူကုန်ကူး မှုပေါင်း(၃၂)မှု ဖြစ်ပေါ်ခဲ့ရာ တရုတ်နိုင်ငံ သို့ လူကုန်ကူးမှုမှာ (၂၂) မှု ရှိပြီး၊ ထိုင်းနိုင်ငံသို့ လေးမှု၊ မလေးရှား နိုင်ငံသို့ တစ်မှုနှင့် ပြည်တွင်း ငါးမှု ဖြစ်ပေါ်ခဲ့သည်။ အဆိုပါ (၃၂)မှုတွင် အမျိုးသား (၂၀) ဦးနှင့် အမျိုးသမီး (၄၆) ဦး လူကုန်ကူးခံခဲ့ရကြောင်း စုံစမ်းသိရသည်။
စိုးထက်ဝင်း
Aye Chan Mon Credit To:The Messenger
http://www.ayechanmon-news1.com/
Post a Comment