ယူနီဆက်အဖွဲ့ ရုံးခန်းငှားရမ်းခ တစ်လကို ဒေါ်လာ ၉ သောင်းနီးပါး အသုံးပြုနေ

ယူနီဆက် ကုလသမဂ္ဂ ကလေးများရန်ပုံငွေအဖွဲ့ဟာ ရန်ကုန်မြို့မှာတစ်လကို ဒေါ်လာ ၉ သောင်းနီးပါး၊ မြန်မာငွေနဲ့ဆိုရင် ကျပ်သိန်း ကိုးထောင်နီးပါးနဲ့ ရုံးခန်းငှားရမ်းထားတယ်လို့ သိရပါတယ်။

လွန်ခဲ့တဲ့ ၃ နှစ်တာအတွင်း ရုံးခန်းငှားရမ်းခ နှစ်ဆနီးပါးတက်သွားတဲ့အတွက် အခုဆိုရင် တစ်လကို ဒေါ်လာ ၈၇၀၀၀ နဲ့ ငှားရမ်းထားရတယ်လို့ မြန်မာနိုင်ငံဆိုင်ရာ ယူနီဆက်အဖွဲ့ရဲ့ ဌာနကိုယ်စားလှယ် Bertrand Bainvel က အတည်ပြုပြောကြောင်း ဒီကနေ့ AFP သတင်းတစ်ပုဒ်မှာ ဖော်ပြပါတယ်။

ယူနီဆက်ဟာ ယခင်က ရန်ကုန်မြို့ ဆူးလေဘုရားလမ်းမှာရှိတဲ့ ကုန်သည်ကြီးများဟိုတယ်မှာ ရုံးခန်းဖွင့်လှစ်ထားခဲ့တာဖြစ်ပြီး၊ ၂၀၁၃ ခုနှစ် သြဂုတ်လ ၁ ရက်နေ့ကစလို့ အမှတ် ၂၃-က၊ အင်းယားမြိုင်လမ်း ရွှေတောင်ကြား (၂) ရပ်ကွက်၊ ဗဟန်းမြို့နယ်ကို ပြောင်းရွှေ့သွားခဲ့တာဖြစ်ပါ တယ်။ ရွှေတောင်ကြားရပ်ကွက်မှာ ယူနီဆက်အဖွဲ့ လက်ရှိရုံးခန်းဖွင့်လှစ်ထားတဲ့နေရာဟာ ယခင် စစ်အစိုးရအဖွဲ့ဝင် လယ်ယာစိုက်ပျိုးရေးနဲ့ ဆည်မြောင်းဝန်ကြီးဟောင်း ဗိုလ်ချုပ်ဟောင်း ဦးညွှန့်တင် ပိုင်ဆိုင်တာဖြစ်တယ်လို့လည်း သိရပါတယ်။

ယူနီဆက်အဖွဲ့ဟာ မြန်မာနိုင်ငံမှာ လူသားချင်းစာနာမှုလုပ်ငန်းတွေ လုပ်ဆောင်မယ့် ဘတ်ဂျက်ဘဏ္ဍာငွေထဲက အခုလို ရုံးခန်းအတွက် တစ်လကို ငွေကျပ်သိန်း ကိုးထောင်နီးပါး အသုံးပြုနေတာလို့လည်း သိရပါတယ်။

ACM Credit To: RFA Burmese
မိတ်ဆွေ-ဒီလင့် ၂ ခုကို Click နှိပ်ရုံဖြင့်သတင်းအစုံကိုဖတ်နိုင်ပါသည်။
https://www.facebook.com/excellencemedia
http://www.ayechanmon-news1.com/