မောင်တောမြို့နယ်တွင် ဓားပြအဖွဲ့မှ ခြိမ်းခြောက်ငွေတောင်းသူအား ခြိမ်းခြောက်တောင်းရာပါပစ္စည်းများဖြစ်သည့် ငွေကျပ် နှစ်သိန်း၊ လုပ်သေနတ် တစ်လက်နှင့် ကျည်နှစ်တောင့်၊ တယ်လီဖုန်းဆင်းကတ်တစ်ခုနှင့်အတူ ဖမ်းဆီးရမိ

နေပြည်တော် ACM Re-Post 28-5-2014

ရခိုင်ပြည်နယ် မောင်တောခရိုင် မောင်တောမြို့နယ် ဦးဒေါင်း ကျေးရွာအုပ်စု ဇုံမာရွာတွင် နေထိုင်သော ရွာသားတစ်ဦးထံသို့ တစ်ရွာတည်းနေ မာမောက်ရာဆိန်း (၃ဝ)နှစ်က မေ ၂၃ ရက် နံနက် ၁ဝ နာရီ တွင် ဓားပြခေါင်းဆောင် အဒူလာကိန်းမှ ငွေကျပ် ငါးသိန်းပေးရန် တောင်းခံခိုင်းကြောင်းနှင့် မပေးပါက မိသားစုများကို သတ်ပစ်မည်ဟု ဖုန်းဖြင့်ခြိမ်းခြောက်ပြောဆိုခဲ့ကြောင်း၊ ထို့ပြင် မေ ၂၄ ရက် ညနေ ၅ နာရီတွင် မာမောက်ရာဆိန်း တောင်းခံထားသည့်ငွေ ပေးနိုင်၊ မပေးနိုင် ဖုန်းဖြင့်ထပ်မံ၍ မေးမြန်းခဲ့ပြီး မေ ၂၅ရက် နံနက် ၇ နာရီခန့် တွင် ၎င်းသည်အဆိုပါရွာသားနေအိမ်သို့ရောက်ရှိလာပြီး ငွေကျပ် နှစ်သိန်းအား
တောင်းခံသွားကြောင်းဖြင့် မေ ၂၅ ရက် နံနက် ၁ဝ နာရီတွင် နယ်ခြားစောင့် ရဲကွပ်ကဲမှုအဖွဲ့ အလယ်သံကျော်ရဲစခန်းသို့ လာရောက်တိုင်တန်းသဖြင့် ၎င်းအား ဝိုင်းဝန်းရှာဖွေခဲ့ရာ မွန်းလွဲ ၂ နာရီ ၂၅မိနစ်ခန့်တွင် တောင်းခံထားသည့် ငွေကျပ်နှစ်သိန်းနှင့် အတူဖမ်းဆီးမိခဲ့သည်။

စစ်ဆေးဖော်ထုတ်ချက်အရ တရားခံ မာမောက်ရာဆိန်း၏နေအိမ်အား ယင်းနေ့ ညနေ ၅ နာရီတွင် နယ်ခြားစောင့်ရဲကွပ်ကဲမှု အဖွဲ့ အလယ်သံကျော်ရဲစခန်းမှ တပ်ဖွဲ့ဝင်များနှင့်ရပ်ကွက်အုပ်ချုပ် ရေးမှူး ဦးမြင့်အောင်၊ ရာအိမ်မှူး အာရှောဒူလာတို့နှင့်အတူ ပူးပေါင်း အဖွဲ့တို့သည် သက်သေများနှင့်အတူဝင်ရောက်ရှာဖွေခဲ့ရာ၎င်း၏ နေအိမ်အတွင်းမှ ပြောင်းအရှည် လေးလက်မခန့်၊ အချင်း ၃၂ မီလီ မီတာခန့်၊ အလျား (ဒင်မပါ)၊ ငါးလက်မခန့်၊ ဒင်အရှည် ၃ ဒသမ ၅ လက်မခန့်ရှိ တစ်တောင့်ထိုး လုပ်သေနတ်တစ်လက် GFL 7.65 MM စာတန်းပါ ကျည်တစ်တောင့်၊ 32 PMC တံဆိပ်ပါ ကျည်တစ်တောင့်၊ ဘင်္ဂလားဒေ့ရ်ှနိုင်ငံသုံး Gramee ဆင်းကတ်တစ်ကတ်တို့အား သိမ်းဆည်းရမိခဲ့သဖြင့် ညနေ ၆ နာရီခန့်တွင် မာမောက်ရာဆိန်းအား အလယ်သံကျော် ရဲစခန်း၌ အမှုဖွင့်အရေးယူထားသည်။

အဆိုပါ ဓားပြခေါင်းဆောင် အဒူလာကိန်းဦးစီးသည့် ဓားပြအဖွဲ့သည် ဘင်္ဂလားပင်လယ်အော်၊ မြန်မာရေပိုင်နက်အတွင်း ငါးဖမ်းနေသူများအား ပြန်ပေးဆွဲခြင်း၊ စက်လှေများအား ဓားပြတိုက်ခြင်း၊ ပင်လယ်ကမ်းစပ်အနီး ကျေးရွာများအတွင်း အလစ်အငိုက်ဝင်ရောက် ဓားပြတိုက်ခြင်း၊ ပြန်ပေးဆွဲခြင်းများနှင့်လူသတ်ခြင်းစသည့် ပြစ်မှုများကျူး လွန်ခဲ့ကြောင်း သတင်းဖော်ထုတ်ရရှိပြီး ဓားပြအဖွဲ့မှ တရားခံများ ဖမ်းဆီးရမိရေးအတွက် ဖော်ထုတ်ဆောင်ရွက်လျက်ရှိကြောင်း သတင်းရရှိသည်။

(သတင်းစဉ်)

Aye Chan Mon Credit To:The Mirror Daily
မိတ်ဆွေ-ဒီလင့် ၂ ခုကို Click နှိပ်ရုံဖြင့်သတင်းအစုံကိုဖတ်နိုင်ပါသည်။
https://www.facebook.com/excellencemedia
http://www.ayechanmon-news1.com/