တရုတ်နဲ့ ပိုင်နက်အငြင်းပွားမှု ပြဿနာအပေါ် အထူးစိုးရိမ်ကြောင်း အာဆီယံ ပြောဆို

နေပြည်တော်မှာ ကျင်းပခဲ့တဲ့ အာဆီယံ ထိပ်သီးညီလာခံမှာ တောင်တရုတ်ပင်လယ်ပြင်က အငြင်းပွားမှု အခြေအနေတွေ ဆိုးဝါးလာတဲ့အပေါ် အထူးစိုးရိမ်ပူပန်ကြောင်း အာဆီယံခေါင်းဆောင်တွေ ထုတ်ဖော်ပြောကြားခဲ့ကြပါတယ်။

ဒေသတွင်း အငြင်းပွားမှုတွေကို နိုင်ငံတကာ အသိအမှတ်ပြု စည်းမျဉ်းဥပဒေတွေနဲ့အညီ ငြိမ်းချမ်းစွာ အဖြေရှာကြဖို့ အာဆီယံခေါင်းဆောင်တွေ သဘောတူလိုက်ကြတာ ဖြစ်ပါတယ်။ နေပြည်တော်မှာ မေလ ၁၁ ရက်၊ မနေ့က ပြုလုပ်တဲ့ (၂၄) ကြိမ်မြောက် အာဆီယံ ထိပ်သီးအစည်းအဝေးအပြီး အာဆီယံခေါင်းဆောင်တွေက အချက် ၂၈ ချက်ပါ ကြေညာစာတမ်းတစောင် ထုတ်ပြန်လိုက်တာပါ။

ဒီထိပ်သီး အစည်းအဝေးမှာ တရုတ်နိုင်ငံနဲ့ အာဆီယံနိုင်ငံတချို့အကြား အငြင်းပွားနေတဲ့ တောင်တရုတ်ပင်လယ်အရေးနဲ့ ပတ်သက်ပြီး အဓိကဆွေးနွေးခဲ့ကြပါတယ်။ အာဆီယံအဖွဲ့အနေနဲ့ တရုတ်နိုင်ငံနဲ့ အငြင်းပွားမှုကိစ္စတွေကို အခုထက်ပိုပြီး ပါဝင်ဖြေရှင်းနိုင်ဖို့အတွက် အဖွဲ့ရဲ့မစွက်ဖက်ရေးမူကို ပြန်လည်သုံးသပ်သင့်ကြောင်း ဖိလစ်ပိုင် သမ္မတအကွီနိုက ပြောဆိုခဲ့တယ်လို့ သိရပါတယ်။

မနေ့ကထုတ်ပြန်တဲ့ “နေပြည်တော် ကြေညာချက်” မှာတော့ ဒေသတွင်း ငြိမ်းချမ်းရေးနဲ့ ပြန်လည်ရင်ကြားစေ့ရေးအတွက် အာဆီယံရဲ့လုပ်ဆောင်ချက်တွေကို တိုးမြှင့်ဖို့၊ တောင်တရုတ်ပင်လယ် သဘောတူညီချက်ဆိုင်ရာ ကြေညာချက်ကို အကောင်အထည်ဖော်ရာမှာ ပူးပေါင်းပါဝင်မှုကိုတိုးမြှင့်ဖို့ သဘောတူခဲ့ကြတယ်လို့ ဖော်ပြပါတယ်။

ဒါ့ပြင် နျူကလီးယားလက်နက် ပိုင်ဆိုင်တဲ့နိုင်ငံတွေနဲ့ နီးနီးကပ်ကပ်ပူးပေါင်းပြီး “အရှေ့တောင်အာရှ-နျူကလီးယားကင်းမဲ့ဇုန်” တည်ထောင်ရေးစာချုပ်ကို စောစောစီးစီး လက်မှတ်ထိုးနိုင်ဖို့၊ ဒေသတွင်း ဘုံအကျိုးစီးပွား တိုးမြှင့်ရေးအတွက် အာဆီယံရဲ့ နိုင်ငံတကာ စီးပွားရေးပေါင်းစည်းမှုကို အားဖြည့်ဖို့ စတဲ့အချက်တွေကို အတည်ပြုနိုင်ခဲ့တယ်လို့လည်း ကြေညာချက်မှာ ဖော်ပြထားပါတယ်။

Aye Chan Mon# Credit To :RFA Burmese
မိတ်ဆွေဒီလင့် https://www.facebook.com/excellencemediaကလစ်လေးတချက်နှိပ်လိုက်ရုံဖြင့် သတင်းအစုံကို ဖတ်ရမှာပါ နိုပ်ဘို့မမေ့နဲ့နော်