ပုံရိပ်များ အခွေမှာ သီချင်းသစ် နှစ်ပုဒ် ထပ်ဖြည့်လိုက်တဲ့ ရတနာမိုင်

ရတနာမိုင် အနေနဲ့ အခုလတ်တလောမှာ ဓာတ်ပုံ အေးဇော်မိုး (စက်မှု)နဲ့ အတူ မျက်နှာဖုံး ကြော်ငြာအတွက် ဓာတ်ပုံ ရိုက်ကူးနေတဲ့အပြင် ဆက်တိုက် ဆိုသလိုပဲ ပွဲတွေမှာ သီချင်းဆိုဖြစ် နေပါတယ်။ ရတနာမိုင်က သူ့ရဲ့”ပုံရိပ်များ” အခွေမှာ သီချင်းသစ် နှစ်ပုဒ် ထပ်ဖြည့်လိုက်တယ်လို့ ပြောပါတယ်။

သီချင်းအသစ် ထပ်ဖြည့်လိုက်ပုံနဲ့ ပတ်သက်လို့ ရတနာမိုင် က “မိုင်လေး အနေနဲ့ ထွက်ရှိထားတဲ့ ပုံရိပ်များ အခွေထဲက သီချင်း နှစ်ပုဒ်ပေါ့နော်။ အဲဒီ သီချင်းနှစ်ပုဒ်ကို အစက အားရပေမယ့် နောက်သိပ် အားမရဘူး။ ဒါနဲ့ အဲဒီ နှစ်ပုဒ်ကို ဖြုတ်လိုက်တယ်။ အဲဒီနှစ်ပုဒ် နေရာမှာ သီချင်း အသစ်နှစ်ပုဒ် ထပ်ဖြည့်လိုက်တယ်။ ဒါကလည်း ကိုယ့်တစ်ယောက်တည်း စိတ်နဲ့လုပ်တာ မဟုတ်ပါဘူး။ အားလုံးနဲ့ တိုင်ပင်ပြီး လုပ်ဖြစ်တာပါ။ ကိုယ့်ပရိသတ်ကို ကိုယ်မကြိုက်ဘဲနဲ့ မပေးချင်ဘူး။ အကောင်းဆုံးကို ပေးချင်တယ် ။ပရိသတ် အတွက်ပါ။ ဒါကိုလည်း ပရိသတ် နားလည်ပေးစေချင်ပါတယ်”လို့ ပြောပါ တယ်။

သူ့အမေ မိုင်နဲ့ အမြဲ တိုင်ပင်ဖြစ်တယ်လို့ ပြောပါတယ်။ ရတနာမိုင်က “တစ်ခေတ်တစ်ခါက အမေလည်း အောင်မြင်ခဲ့တဲ့ အဆိုတော် တစ်ယောက် လေ။ အမေရဲ့ အကြံဥာဏ်ကို ရယူပါတယ်” လို့လည်း ပြောပါတယ်။ ပုံရိပ်များ အခွေ ကို ဒါရိုက်တာ သုံးပေါင်နဲ့ မေ၂၁ရက်နေ့မှာ စရိုက်မယ် လို့ပြောပါတယ်။ အဲဒီမှာ မော်ဒယ်တစ်ယောက် အပါအဝင် သရုပ်ဆောင် ကောင်းပြည့်နဲ့ ရိုက် တယ် လို့လည်းပြောပါတယ်။

“ပုံရိပ်များ”အခွေမှာ 5 star လူရွှင်တော် အဖွဲ့နဲ့ ရိုက်ဖြစ်မယ့် အတွက်လည်း ရတနာမိုင်က “5 star အဖွဲ့နဲ့ ရိုက်ဖြစ်သွားတာကလည်း ပရိသတ်ကို တစ်ခွေနဲ့တစ်ခွေ မရိုးရအောင်၊ တစ်မူထူးခြားအောင် ချပြတဲ့ သဘောပေါ့။ အထူးသဖြင့်တော့ တောဓလေ့၊ ကျေးလက် အငွေ့အသက်လေးတွေပါ အောင်ပေါ့။ သမားရိုးကျ ပုံစံမဟုတ်ဘဲ အဲဒီကနေ ခွဲထွက်ပြီး လုပ်ငန်း သဘောပေါ့”လို့ ပြောပါတယ်။

ဒါရိုက်တာ မောင်သီ ရိုက်ကူးတင်ဆက်မယ့် လာမယ့် မျှော်စင်ကျွန်းထဲမှာ အငြိမ့်ကမယ် လို့လည်း ပြောပါတယ်။ အငြိမ့်ကဖို့ ဖြစ်သွားတာနဲ့ ပတ်သက် ပြီးလည်း “ဟိုက ကမ်းလှမ်းတာပေါ့နော်။ ပြီးတော့ မိုင်လေး ကလည်း အဲဒီလို မျိုး ကတာတို့၊ သရုပ်ဆောင်တာ တို့ကို တအား ဝါသနာပါတယ်။ သီချင်းဆို တာအပြင် အနုပညာနဲ့ ပတ်သက်တာတွေကို အကုန် ဝါသနာကြီးတယ်။ ဒါနဲ့ အငြိမ့်ကဖို့ ဖြစ်သွားတာပါ။ အချိန်တော့ မအားလပ်ဘူးပေါ့။ ဒါပေမဲ့ ကိုယ်ချစ် တဲ့ အနုညာအလုပ်ကို မအားလပ်တဲ့ ကြားကနေ လုပ်ရတာဆိုတော့ ကိုယ့်ကိုယ်ကိုယ် ကျေနပ်ပီတိ ဖြစ်ရပါတယ်။ ဒီအတွက်လည်း အမေ့ကို ကျေးဇူး ဆပ်မကုန်အောင် တင်ရပါတယ်”လို့ ရတနာမိုင်က အနုပညာ လှုပ်ရှားမှုနဲ့ ပတ်သက်လို့ ပြောပြခဲ့ပါတယ်။

ACM Credit To:Popular
မိတ်ဆွေ-ဒီလင့် ၂ ခုကို Click နှိပ်ယုံဖြင့်သတင်းအစုံကိုဖတ်နိုင်ပါသည်။
https://www.facebook.com/excellencemedia
http://www.ayechanmon-news1.com/