မြန်မာ၊ အီရန်၊ ဆူဒန်နဲ့ ကျူးဘားတို့အပေါ် အမေရိကန်ပြည်ထောင်စုက စီးပွားရေး ပိတ်ဆို့အရေးယူခဲ့တာကို မလိုက်နာ ဖေါက်ဖျက်မှုနဲ့ RBS ခေါ် Scotland Royal Bank အပေါ် ဒေါ်လာ ၁၃၃ သန်း ဒဏ်ငွေချမှတ်လိုက်ကြောင်း အမေရိကန်အစိုးရက မနေ့က ကြေညာလိုက်ပါတယ်။
RBS ဘဏ်ဟာ ပြီးခဲ့တဲ့ ၂၀၀၅ ခုနှစ်ကတေ ၂၀၀၉ ခုနှစ်အတွင်း မြန်မာနဲ့ အီရန်အပါအ၀င် ပိတ်ဆို့အရေးယူခံထားရတဲ့ နိုင်ငံလေးနိုင်ငံနဲ့ ငွေပေးငွေယူလုပ်ငန်းတွေကို စနစ်တကျနဲ့ လျှို့ဝှက်ဆောင်ရွက်ခဲ့တယ်လို့ အမေရိကန် ဘဏ္ဍာရေးဝန်ကြီးဌာနက ပြောပါတယ်။
ဒီအတွက် အမေရိကန်အစိုးရက Scotland Royal Bank အပေါ် စုစုပေါင်း ဒေါ်လာ ၁၃၃ သန်း ဒဏ်ငွေချမှတ်လိုက်ပါတယ်။ ဒါပေမဲ့ Scotland Royal Bank က ဒေါ်လာ သန်း ၁၀၀ ဒဏ်ငွေဆောင်မယ်လို့ သိရပါတယ်။ ဒါ့ပြင် Scotland Royal Bank အနေနဲ့ ဒီကိစ္စမှာ တာဝန်ရှိသူဝန်ထမ်းတွေကို ထုတ်ပယ်လိုက်ပြီး၊ နောက်ထပ် အလားတူ ကျုးလွန်မှုမျိုးမဖြစ်ရအောင် စီစဉ်မယ်လို့ သဘောတူညီခဲ့ပါတယ်။
#Aye Chan Mon မေတ္တာဖြင့် ပြန်လည်မျှဝေပါသည်
Credit To : RFA Burmese
Post a Comment