"သိက္ခာရှိတယ်ဆိုတာ"

♣ လူတစ်ယောက်က သာသနာ့ဘောင်မှာ ရဟန်းပြုချင်တယ်ဆိုတော့ ပထမဆုံး
ကိုရင် ဝတ်တယ်။ သာမဏေ ဖြစ်တော့ (၁၀) ပါးသောသီလကို ထမ်းတယ်။
လူ့ဘဝထက် ပိုပြီး မြင့်မြတ်သွားတယ်။ အဲဒီကနေ နောက်တစ်နေ့ { သိမ် }တက်ပြီးတော့ သာသနာ့ဘောင်မှာ ရဟန်းဝတ်လိုက်တော့ (၂၂၇) သွယ် သိက္ခာပုဒ်ထမ်းတော့ ဘဝပိုမြင့်သွားတယ်။

♣ ဘဝတွေ မြင့်မြင့်ပြီး မြတ်မြတ်သွားတာ စိန်ဘယက်ကြီးနဲ့လား ၊ ကားကြီးနဲ့လား၊ တိုက်ကြီးနဲ့လား၊ သီလနဲ့ သရဏဂုဏ်နဲ့လား။ (သီလ၊ သရဏဂုဏ်နဲ့ပါဘုရား၊)

♣ နောက်တော့ အဲဒီပုဂ္ဂိုလ်က အချိန်တန်လို့ လူပြန်ထွက်ချင်တော့ ဘာလုပ်ရလဲဆိုရင် လူ့ဘဝမှာ (၂၂၇)သွယ် သိက္ခာပုဒ် မရှိတော့မြင့်မြတ်တဲ့ ဘဝကနေ သိက္ခာချပစ်လိုက်ရတယ်။ (၂၂၇)သွယ်ကနေ (၂၁၇) သွယ်နှုတ်တော့ သာမဏေ ဘဝကိုရောက်ပြီး (၁၀) ပါးပဲကျန်တော့တယ်။ သာမဏေ ဘဝကနေ လူထွက်တော့မယ်ဆိုတော့ နောက်ထပ် ၅ပါးထပ်နှုတ်တယ်။ ၅ပါးကျန်တယ်။
လူ့ဘဝမှာ သီလ မရှိရင် နောက်ထပ် ၅ပါးထပ်နှုတ်လိုက် ဘယ်ဘဝရောက်သွားလဲ ။ (.............) ကိုယ့်ဟာကိုယ်သာ တွက်ကြည့်ပေတော့ ။

♣ အဲဒီတော့ မြင့်တယ်မြတ်တယ် သိက္ခာရှိတယ်ဆိုတာ ဘာကိုသတ်မှတ်တာလဲ။
(သီလနဲ့ သရဏဂုဏ်ပါဘုရား)
ပိုက်ဆံမရှိတာပါသလား ? ၊ လုပ်ငန်းကြီးတွေ မရှိတာပါသလား ? ၊ (မပါပါဘူးဘုရား၊) သိက္ခာမရှိတဲ့ အထဲမှာ အဲဒါတွေ မပါဘူး။
စက်ရုံကြီးတွေ တိုက်ကြီးတွေ မရှိရင်နေပါစေ။ သရဏဂုဏ် (၃)ပါးနဲ့ (၅)ပါးသီလလုံရင် သိက္ခာမရှိဘူးလား ။ (ရှိပါတယ်ဘုရား)
အဲဒါနဲ့ သတ်မှတ်ရမှာ။ အဲဒါက ဘဝတိုင်းမှာ ယူလို့ရရဲ့လား။ (မရပါဘုရား)

♣ အဲဒါကြောင့် အခုလို လူဖြစ်တဲ့ အချိန် သာသနာပွင့်တဲ့
အချိန်မှာ ဒါန ၊ သီလ ၊ ဘာဝနာ ကုသိုလ်ကံကို များများစိုက်ပျိုးပါ။
အဲဒါကို မလုပ်ဘူးဆိုရင်တော့ ဆုံးရှုံးသွားပါလိမ့်မယ်။

ဆရာတော်ဘုရားကြီး အသျှင်စန္ဒိမာ(အောင်လံ)

(Credit to Thant Gyi )

အေးချမ်းမွန် Credit To >နှလုံးသားအာဟာရ < Thankhttps://www.facebook.com/excellencemedia

31