Doing Business အစီရင်ခံစာထဲမှာ မြန်မာနိုင်ငံရဲ့ စီးပွားရေး လုပ်ငန်းဆိုင်ရာ စည်းမျဉ်း ဥပဒေတွေကို ပထမဆုံးအကြိမ်အဖြစ် ထည့်သွင်း ဖော်ပြ

World Bank ကမ္ဘာ့ဘဏ်နဲ့ IFC အပြည်ပြည် ဆိုင်ရာ ဘဏ္ဍာရေး ကော်ပိုရေးရှင်းတို့ ပူးပေါင်း ထုတ်ပြန်တဲ့ Doing Business အစီရင်ခံစာထဲမှာ မြန်မာနိုင်ငံရဲ့ စီးပွားရေး လုပ်ငန်းဆိုင်ရာ စည်းမျဉ်း ဥပဒေတွေကို ပထမဆုံးအကြိမ်အဖြစ် ထည့်သွင်း ဖော်ပြခဲ့ပါတယ်။

မြန်မာနိုင်ငံဟာ စီးပွားရေးလုပ်ငန်း ဆောင်ရွက်မှုတွေအတွက် ကောင်းမွန်တဲ့ စည်းမျဉ်းဥပဒေတွေ ပေါ်ပေါက်လာစေဖို့ ပြုပြင်ပြောင်းလဲမှုတွေကို ကျယ်ကျယ်ပြန့်ပြန့် ဆောင်ရွက်သွားရမှာ ဖြစ်ပြီး အခုအခါ ဒီပြောင်းလဲမှုတွေကို ကြိုးပမ်း ဆောင်ရွက်လျက်ရှိတဲ့ လမ်းကြောင်းပေါ်မှာ ရောက်ရှိနေတယ်လို့ အဲဒီ အစီရင်ခံစာထဲမှာ ဖော်ပြထားပါတယ်။

စီးပွားရေးလုပ်ငန်းတွေ ဆောင်ရွက်ဖို့ ပိုမိုကောင်းမွန်တဲ့ အခြေအနေတွေကို ဖန်တီးပေးခြင်းအားဖြင့် အလုပ်အကိုင် အခွင့်အလမ်းသစ်တွေ ဖော်ဆောင်ပေးမယ့် စီးပွားရေး လုပ်ငန်းတွေကို လုပ်ငန်းရှင်တွေနဲ့ ရင်းနှီးမြှုပ်နှံသူတွေက အကောင်အထည်ဖော် ဆောင်ရွက်နိုင်မှာ ဖြစ်တယ်လို့ အပြည်ပြည်ဆိုင်ရာ ဘဏ္ဍာရေး ကော်ပိုရေးရှင်းရဲ့ မြန်မာနိုင်ငံဆိုင်ရာ ဌာနေကိုယ်စားလှယ် မစ္စတာ Charles Shneider က ဆိုပါတယ်။

မြန်မာနိုင်ငံရဲ့ စီးပွားရေး လုပ်ငန်းဆိုင်ရာ စည်းမျဉ်းဥပဒေတွေကို ဒီအစီရင်ခံစာမှာ အခုလို လေ့လာဖော်ပြခဲ့တာဟာ မြန်မာနိုင်ငံ စီးပွားရေး ကဏ္ဍအတွက် ခြေလှမ်းတစ်ရပ်လို့ ဆိုနိုင်ကြောင်းနဲ့ မြန်မာနိုင်ငံအနေနဲ့လည်း အစီရင်ခံစာပါ တခြား တိုင်းပြည်တွေရဲ့ စည်းမျဉ်းဥပဒေတွေကို လေ့လာ နမူနာယူနိုင်မှာဖြစ်ကြောင်း ကမ္ဘာ့ဘဏ်ရဲ့ မြန်မာနိုင်ငံဆိုင်ရာ ပြန်ကြားရေး တာဝန်ခံ ဦးကျော်စိုးလင်းက ဘီဘီစီကို ပြောပါတယ်။

ကမ္ဘာပေါ်မှာ ဒေသခံ စီးပွားရေး လုပ်ငန်းရှင်တွေ လုပ်ငန်းဆောင်ရွက်ဖို့ အကောင်းဆုံး နိုင်ငံဟာ စင်္ကာပူနိုင်ငံ ဖြစ်တယ်လို့လည်း ဒီအစီရင်ခံစာထဲမှာ ဖော်ပြထားပါတယ်။

အေးချမ်းမွန် Credit To >BBC Burmesehttps://www.facebook.com/excellencemedia