“မင်းတို့၏ ကျင့်စဉ်”

လျှောက်ထားလိုပါသည်၊
မင်းကျင့်တရားဆယ်ပါးလို့ ကြားဘူးပါသည်။
အဲဒီဆယ်ပါးကို အကျဉ်းမျှ သိလိုပါသည်။
ယနေ့ခေတ်မှာ အဲဒီမင်းကျင့်တရား ဆယ်ပါးကို
ဘယ်သူတွေ ဘယ်လိုလိုက်နာရပါမည်နည်း။
ဘယ်လိုဖြစ်လျှင် မင်းကျင့်တရား ကျိုးပေါက်ပါသနည်း။
ကျိုးပေါက်လျှင် ပြည်သူက မည်သို့တုံ့ပြန်ရပါသနည်း။
ဆရာတော်တို့၏ အတွေးအမြင်ကို သိပါရစေဘုရား။
(ရိုသေလျက် အောင်ချာ)
မင်းဆိုတာ လောကံ ရဉ္ဇေတီတိ ရာဇာ (ဒီ-ဋ္ဌ ၃၊ ၁၈၀)အရ
လူထုကို နှစ်သက်အောင် လုပ်ပေးတတ်လို့ ရာဇခေါ်ပါတယ်။
ရာဇဆိုတဲ့ ပါဠိကို “မင်း”လို့ မြန်မာမှု ပြုပါတယ်။
အုပ်ချုပ်သူ (သို့မဟုတ်) အစိုးရလို့ ခေတ်နဲ့အညီ
အဓိပ္ပာယ် ပြန်ယူနိုင်ပါတယ်။ အုပ်ချုပ်သူတို့ လိုက်နာရမယ့်
ကျင့်စဉ် ဆယ်မျိုးကို
“ပေးကမ်း၊ ကိုယ်ကျင့်၊ စွန့်ကြဲ၊ ဖြောင့်မတ်၊ နူးညံ့၊
စိတ် လေ့ကျင့်၊ ဒေါသနည်း၊ မညှင်းဆဲ၊ သည်းခံ၊
မဆန့်ကျင်” လို့ အတိုကောက် မှတ်သားနိုင်ပါတယ်။
ဒါနံ သီလံ ပရိစ္စာဂံ၊ အဇ္ဇဝံ မဒ္ဒဝံ တပံ။
အက္ကောဓံ အဝိဟိံသဉ္စ၊ ခန္တိဉ္စ အဝိရောဓနံ။ (ဇာ ၂၊ ၉၇)။
“ပေးကမ်း (ဒါနံ)”
••••••••••••••••••••••••••••••••••••••
အစိုးရဟာ လခစားတွေကို လစာငွေ လုံလောက်အောင်
ပေးရမယ်။လုပ်အားနှင့် လစာငွေ မျှအောင်
ဖန်တီးပေးရမယ်။ လစာငွေ တိုးပေမယ့် ၊
ကုန်ဈေးနှုန်းတွေ ခေါင်ခိုက်နေရင် ကိုယ့်တိုင်းပြည်ရဲ့
ပကတိအခြေအနေကို နားလည်ပြီး လူထုချမ်းသာအောင်
အမြန်ဆုံး ဖြေရှင်းပေးရမယ်။
အဲဒီလို ဖြေရှင်းဖို့ မမှန်ကန်တဲ့ နိုင်ငံရေး စီးပွားရေး
စနစ်ဆိုးတွေ၊အကျင့်ဆိုးတွေကို ပြုပြင်ပြောင်းလဲပစ်ရမယ်။
✤အစိုးရ ဆေးရုံဆေးခန်းတွေမှာ ဆေးမရှိ။
✤စာသင်ကျောင်းတွေမှာ ဖတ်စာအုပ်တွေ၊ဗလာစာအုပ်တွေ
မလုံလောက်လို့ ကျောင်းသားတွေ မှောင်ခိုဈေးက
ဝယ်ရတယ်ဆိုရင် နံပါတ်တစ် မင်းကျင့်တရား ပျက်တာပဲ။
“ကိုယ်ကျင့် (သီလံ)”
••••••••••••••••••••••••••••••••••••••
“ရိုးသား ကြိုးစား လုပ်အားဖြင့် နိုင်ငံတည်”တဲ့။
စာသားလေး သိပ်လှတာပဲ။
အာဏာမြဲနေတုန်းမှာ လာဘ်စားတာကို အချင်းချင်း
သိနေပေမယ့် ကိုယ်လည်း ထူးမခြားနားပေမို့
ရေငုံ နှုတ်ပိတ် မှိန်းလိုက်နေရင် အာဏာကျပြီးမှ
မဟာလာဘ်စားမှုကြီး ပေါ်တတ်တယ်။
သာမန်လခစားတွေ ဘယ်လိုမှ ရိုးရိုးသားသား
မရပ်တည်နိုင်လို့ ဘယ်ရုံးကိုပဲ သွားသွား၊
ဘာပဲလုပ်လုပ် လဘက်ရည်ဖိုး နင့်နေအောင်
ပေးရတယ်ဆိုရင်၊အလုပ်ရှာတော့လည်း
လာဘ်ရွှင်တဲ့နေရာကိုပဲ ရွေးပြီး ရှာရတယ်ဆိုရင်
မရိုးသားလို့ နိုင်ငံမတည်နိုင်ပါဘူး။
အဲဒီလို လူထုကိုယ်ကျင့်တရား ပျက်ပြီး၊
တိုင်းပြည်ခြစားတာဟာ “နံပါတ်နှစ် မင်းကျင့်တရား”
ဆိတ်သုဉ်းလို့ပဲ။
“စွန့်ကြဲ (ပရိစ္စာဂံ)”
••••••••••••••••••••••••••••••••••••••
အုပ်ချုပ်သူတွေဟာ ကိုယ်ပိုင်တဲ့ပစ္စည်းကို လူထုကို
ဝေငှပေးခြင်းလို့ အဓိပ္ပာယ်ရတယ်။
အိတ်ထဲက တစ်ပြားမှမစိုက်ဘဲ ဘုန်းကြီးကျောင်းတွေသွားပြီး
ဆန်ဘယ်နှစ်အိတ်၊ ငရုတ်သီး ဘယ်နှစ်တောင်း၊
ဆားဘယ်နှစ်ဘူး လှူပါကြောင်းနဲ့
“သူကြီးဘုရား ရွာသားကောင်းမှု” မလုပ်ရဘူး။
လူထုဆီက လှူချင်ချင်၊မလှူချင်ချင်
အယူဝါဒတူတူ မတူတူ
အလှူငွေ အတင်းကောက်ပြီး
လှူတာမျိုး မဖြစ်ရဘူး။ ရဟန်း၊ ရှင် ၊လူ
သက်သာ ချောင်ချိရေးအတွက် ဘယ်ဝန်ကြီးက
မိဘမဲ့ကျောင်းတစ်ခုကို သိန်းပေါင်း ဘယ်လောက်
ရန်ပုံငွေလှူတယ်ဆိုရင် နတ်လူသာဓုခေါ်မှာပေါ့။
အာဏာမြဲချင်လို့ လူထုဆီက အတင်းအဓမ္မ ကောက်ခံပြီး၊
မိမိလှူသလို အယောင်ဆောင်လို့ ကုသိုလ်မရပါဘူး။
စွန့်ကြဲခြင်းဆိုတဲ့ မင်းကျင့် တရားနဲ့တော့ ဝေးပါသေးတယ်။
“ဖြောင့်မတ် (အဇ္ဇဝံ)”
••••••••••••••••••••••••••••••••••••••
ဖြောင့်မတ်ဆိုတာ မကောက်ကျစ်ဘူး။
မင်းမှာသစ္စာ လူမှာကတိတဲ့။
အုပ်ချုပ်သူဟာ ပေးထားတဲ့ ကတိအတိုင်းလုပ်မှ
လူထုက ယုံကြည်တယ်။
အာဏာ တည်မြဲရေးအတွက် ပုဏ္ဏားညို ၊ ပုဏ္ဏားဝါတွေ
မြှောက်ပင့်တိုင်း လိမ်တာ ဝါဒဖြန့်တာမျိုး မလုပ်ရဘူး။
ဝယ်ပေးမယ်လို့ မိဘလုပ်သူက ကတိပေးထားပါလျက်
သုံးလေးနှစ်သား ကလေးဆိုပြီး ကတိအတိုင်း မလုပ်ရင်
ဒီမိဘကို ဒီကလေး မယုံတော့ဘူး။
မိဘကို မယုံရင် တစ်ခြားလူ ပြောတာကို ယုံသွားမှာပေါ့။
“နူးညံ့ (မဒ္ဒဝံ)”
••••••••••••••••••••••••••••••••••••••
နူးညံ့ဆိုတာ သိမ်မွေ့တဲ့ အဓိပ္ပာယ်ပါ။
မာန်မာန အငြိုးအတေးအရင်းခံနဲ့ မလုပ်ဘူး။
အတွေးအမြင် ခံယူချက်မတူတဲ့လူတွေ စုပေါင်းပြီး
ပြဿနာကို စာပွဲပေါ်မှာ ဖြေရှင်းတယ်။
မိမိတို့တိုင်းပြည် တိုးတက်ရေးဆိုတဲ့တူညီတဲ့
ဦးတည်ချက် နဲ့ အတွေးအမြင် မတူညီတဲ့လူတွေ
စုပေါင်းပါဝင် လာနိုင်အောင်လဲ ဆောင်ရွက်တယ်။
ဒါဟာ သိမ်မွေ့နူးညံ့ခြင်းရဲ့ သင်္ကေတပေါ့။
တစ်ဖက်သားကို လုံးဝ ပြောဆိုခွင့်မပေးဘဲ လမ်းဘေးက
အမှိုက် သရိုက်ပါဆိုပြီး ကိုယ်နိုင်နေလို့ မျက်လုံးမှိတ်ပြီး
တစ်ဖက်သတ် “ဟောင်” နေရင် နောက်ဆုံး
ကိုယ်ပဲ “အဲဒါ” ဖြစ်သွားတတ်တယ်။
“စိတ်လေ့ကျင့် (တပံ)”
••••••••••••••••••••••••••••••••••••••
စိတ်ဓာတ်ရေးရာ ခွန်အားရှိအောင်လို့ စိတ်ကို
လေ့ကျင့်ပေးတာ။ဝန်ကြီးချုပ်ဟောင်း ဦးနု
ပြောတာရှိတယ်။ သူဟာ ပြဿနာ
သောင်းခြောက်ထောင်ကို တစ်နေကုန် ဖြေရှင်းရပြီးနောက်
ညနေပိုင်းမှာ ဦးနှောက်ခြောက် စိတ်ဓာတ်တွေကျပြီး
ဘာမှမလုပ်ချင်တော့ဘူးတဲ့။
အဲဒီအခါမျိုးမှာ ညစာစားပြီးတဲ့နောက် ခဏအနားယူ၊
ဘုရားခန်းထဲဝင်ပြီး အဓိဋ္ဌာန်ပုတီး စိပ်လိုက်ရင်
တိုင်ခြေရောက်နေတဲ့ စိတ်ဓာတ်ဟာ တိုင်ထိပ်ပေါ်
ပြန်ရောက်သွားပြီး အကြံဉာဏ်ကောင်းတွေ ရလာသတဲ့။
ဒါပေမယ့် ယတြာအတွက် “ပိတ်ဖြူပိတ်နက်တွေ” ကို
ပခုံးမှာ လွယ်ပြတာမျိုးတော့ မဖြစ်သင့်ဘူး။
ဒါက စိတ်ပိုင်းဘဝ တိုးတက်အောင် လုပ်တာမဟုတ်ဘူး။
ဝိသမလောဘဇောတွေ ကြွလာအောင် လုပ်တာ။
“ဒေါသနည်း (အက္ကေဓံ)”
••••••••••••••••••••••••••••••••••••••
“ဓားဓားချင်း လှံလှံချင်းပဲ”ဆိုတဲ့ ကမူးရှူးထိုး
နွားသိုးစိတ်ဓာတ်မျိုး မရှိရဘူး။
“ကဏန်း ပုတ်သင်၊ ကိုင်းပင် နွားသိုး၊ လိပ်မျိုး
ခွေးအ၊ဤခြောက်ဝ နာယက မတင်ထိုက်”တဲ့။
✤ရှေ့လည်းမတက် နောက်ကလည်း မလိုက်ရင်
“ကဏန်းလိုလူ” ပဲ။
✤အထက်ကလူ မငြိုငြင်ရင် ပြီးရော
“ဟုတ်၊ ဟုတ်”နဲ့ ပြောတိုင်း ခေါင်းညိတ်ရင် “ပုတ်သင်”။
✤ဟိုလူပြော ဟုတ်နိုး ဒီလူပြော ဟုတ်နိုး၊
အခွင့်အရေးကို မျှော်ပြီး ဟိုပူးဒီကပ်ရင် “ကိုင်းပင်”။
✤အထက်ကလူ အကြိုက် မျှောလိုက်ပြီး အခွင့်အရေးပေါ်ရင်
မလွတ်တမ်း “ဗပ်ခနဲ” ဟပ်ယူရင် လိပ်။
✤ရှေ့ထွက် “ဟောင်” ပြီးမှ ချုံထဲ ပြေးဝင်ရင် “ခွေးအမျိုး”။
ဒီလူခြောက်မျိုးဟာ အကြီးအကဲ မဖြစ်ထိုက်ဘူး။
“မညှဉ်းဆဲ (အဝိဟိံသာ)”
••••••••••••••••••••••••••••••••••••••
အုပ်ချုပ်ခံ လူထုကို မနှိပ်စက်ရဘူး။
တိုင်းသူပြည်သားကို ရင်ဝယ်သားကဲ့သို့ ချစ်မြတ်နိုးရမယ်တဲ့။
စီးပွားရေး ကျပ်တည်းအောင် ဖန်တီးပြီး၊
တိုင်းပြည်မှာ လူတွေ မနေနိုင်အောင် မနေချင်အောင်လုပ်ရင်
နှိပ်စက်တာပဲ။
✤အဓမ္မလုပ်အားပေး ခေါ်တာမျိုး။
✤အမျိုးမျိုး အကြောင်းပြပြီး လူထုဆီက ငွေကောက်ခံတာမျိုး။
✤ဘိုးဘွားပိုင် ခြံမြေတွေကို ထိုက်တန်တဲ့ လျော်ကြေးမပေးဘဲ၊
သိမ်းပိုက်တာမျိုး။
✤မိမိဆန္ဒမပါဘဲ လူစုလူဝေးကို
အတင်းအကြပ် ချီတက်ခိုင်းတာမျိုး။
ဆိုလိုတာက လူထုကို ကိုယ်ရော ၊စိတ်ပါ ဆင်းရဲအောင် လုပ်တာ။
“သည်းခံ (ခန္တီ)”
••••••••••••••••••••••••••••••••••••••
မိဘများလိုပဲ အုပ်ချုပ်သူ လူတန်းစားဟာ အုပ်ချုပ်ခံများအပေါ်
သည်းခံခွင့်လွှတ်ရသတဲ့။ မိဘဆိုတာ မိမိစကားကို
နားမထောင်ဘဲ ပုန်ကန်တဲ့ သားသမီးများကိုလဲ အပြစ်မယူဘူး။
အချိန်တန်ရင် သနားသည်းခံခွင့်လွှတ်တာပဲ။
အုပ်ချုပ်သူတွေဟာ မိမိကို မကြိုက်လို့ ဆန့်ကျင်သူတွေကို
မတန်တဲ့ အပြစ်ကို မပေးရဘူး။
စုတ်ချာတဲ့ မူဝါဒကို ဝေဖန်လို့
✤စာရေးဆရာ စာမရေးရ။
✤အနုပညာသည် အနုပညာအလုပ်ကို မလုပ်ရ။
✤ဆရာဝန် ဆေးမကုရ။
✤ဘုန်းကြီးတွေ ဆွမ်းခံမထွက်ရ။
✤မြို့ကို စာလာမသင်ရဆိုရင်
ဒီအစိုးရဟာ “နှလုံးစိတ်ဝမ်း မကြီး”ဘူးပေါ့။
“မဆန့်ကျင် (အဝိရောဓန)”
••••••••••••••••••••••••••••••••••••••
လူထုဆန္ဒကို မဆန့်ကျင်တာ။
အုပ်ချုပ်သူ အစိုးရဟာ လူထုအများစုရဲ့
ဆန္ဒအတိုင်း လုပ်ပေးရတာပဲ။
ပါဠိဝေါဟာရ “အဝိရောဓန” မြန်မာလို “မဆန့်ကျင်”
ဆိုတာ “ဒီမိုကရေစီပဲ”။
လူထုက “ခင်ဗျားတို့ကို မကြိုက်ပါဘူး” လို့
မိမိတို့ရဲ့ဆန္ဒကို ထုတ်ဖော်ရင် အာဏာကို လူထုကို
ပြန်ပေးရတယ်။ နေရာ ဖယ်ပေးရတယ်။
မဖယ်ပေးရင် လူထုပိုင်တဲ့ပစ္စည်းကို မတရား ရယူတာဖြစ်လို့
“အာဏာသူခိုး” ဖြစ်သွားပြီ။ အဲဒီလို ဖြစ်ရင် နိုင်ရာကို
ညှဉ်းတတ်တဲ့ ရိုင်းစိုင်းရက်စက်တဲ့ တောရိုင်း တိရစ္ဆာန်တွေလို
တောနက်ကြီးဥပဒေနဲ့ လုပ်လေ့ရှိတယ်။
ဥပဒေမဲ့ အာဏာရလာတဲ့ လူတွေ အုပ်ချုပ်တဲ့နိုင်ငံမှာ
အများဆန္ဒ (သို့မဟုတ်) လူထုဆန္ဒဆိုတာ နဲ့ ဥပဒေစိုးမိုးရေး
ဆိုတာတွေ မရှိနိုင်ပါဘူး။ အုပ်ချုပ်သူအစိုးရဟာ
အဲဒီဆယ်မျိုးထဲက တစ်မျိုးလောက်ကို ကျင့်နိုင်ရင်ကို
လူထုက နားလည်ပေးမှုနဲ့ တုံ့ပြန်နိုင်ကောင်းပါရဲ့။
-【စာရိုက်ပူဇော်သူ - Admin Team of
Young Buddhist Association】
-【ဆရာတော်အရှင်ကေလာသ ၏
“ဓမ္မအမေးအဖြေများ”မှ -
ကောက်နှုတ်ကူးယူပူဇော်မျှဝေပါသည်။】
Posted by►
www.facebook.com/youngbuddhistassociation.mm
(ဇန်နဝါရီ ၈၊ ၂၀ဝ၈။)


Young Buddhist Association