ဆိုမာလီယာနိုင်ငံတွင် မြို့တော် မိုဂါဒစ်ရှူးရှိ သမ္မတနန်းတော်ကို ဦးတည်ပြီး အယ်လ်ရှာဘက် စစ်သွေးကြွတို့က ထိုးစစ်ဆင် တိုက်ခိုက်ခဲ့ကြောင်း သိရှိရသည်။
ဇူလိုင်(၈)ရက်က စတင်သော တိုက်ပွဲများသည် ဆက်လက်ဖြစ်ပွားနေဆဲဟု အယ်လ်ရှာဘက် ပြောရေးဆိုခွင့်ရ ပုဂ္ဂိုလ်တစ်ဦးက BBC သို့ ပြောကြားခဲ့သည်။ သို့သော်လည်း အစိုးရဘက်ကမူ ဇူလိုင်(၈)ရက် ညပိုင်းတွင် တိုက်ပွဲများ ပြီးဆုံးပြီး စစ်သွေးကြွ အမြောက်အမြား သေကြေခဲ့ကြောင်း ကြေညာထားသည်။
ဆိုမာလီယာနိုင်ငံတွင် မြို့တော် မိုဂါဒစ်ရှူး ပတ်ဝန်းကျင် ဒေသအားလုံးကို အစ္စလာမ်မစ် စစ်သွေးကြွ အယ်လ်ရှာဘက်တို့က ဝန်းရံသိမ်းပိုက်ထားပြီး မိုဂါဒစ်ရှူးကိုလည်း မကြာခဏ ထိုးစစ်ဆင် တိုက်ခိုက်လေ့ရှိသည်။ အာဖရိက ယူနီယံ၏ ညွန့်ပေါင်းတပ်ဖွဲ့များက မိုဂါဒစ်ရှူးတွင် ကြံ့ကြံ့ခံ ရပ်တည်ပေးနေခြင်းကြောင့်သာ ဆိုမာလီယာ အစိုးရ၏ အချုပ်အခြာအာဏာ ဆက်လက်တည်မြဲနေခြင်း ဖြစ်သည်။
တိုက်ပွဲများ ဖြစ်ပွားချိန်တွင် ဆိုမာလီယာ သမ္မတ ဟာဆန်ရှိတ်ခ်မိုဟာမက်သည် နန်းတော်၌ ရှိမနေကြောင်း သိရသည်။ အယ်လ်ကေးဒါးတို့နှင့် ဆက်နွယ်မှုများ ရှိနေသည့် အယ်လ်ရှာဘက်တို့သည် မိုဂါဒစ်ရှူးကို သိမ်းပိုက်ထားရာမှ (၂၀၁၁)ခုနှစ်တွင် လက်လွတ်ခဲ့ရသည်။ အယ်လ်ရှာဘက်အဖွဲ့က ရာမာဒန် ဥပုသ်လအတွင်းတွင်လည်း မိုဂါဒစ်ရှူးကို ဆက်လက် တိုက်ခိုက်မည်ဟု ကြေညာထားသည်။
သမ္မတအိမ်တော်ကို အယ်လ်ရှာဘက်တို့က တိုက်ခိုက်နေချိန်တွင် သမ္မတ မိုဟာမက်မှာ လေဆိပ်အနီးရှိ အဆောက်အအုံ တစ်ခုတွင် ကုလသမဂ္ဂ အထူးကိုယ်စားလှယ် အဖွဲ့တစ်ခုနှင့် ဆွေးနွေးမှုများ ပြုလုပ်နေကြောင်း BBC က ဖော်ပြခဲ့သည်။
“သမ္မတ နန်းတော်လို့ သူတို့ခေါ်ဝေါ်နေတဲ့ အဆောက်အအုံထဲထိ ကျွန်တော်တို့ ရောက်ခဲ့တယ်။ နန်းတော်ရဲ့ အစိတ်အပိုင်းတချို့ကို ကျွန်တော်တို့ ထိန်းသိမ်းထားပြီး တိုက်ပွဲတွေကတော့ ဖြစ်နေတုန်းပဲ။ အစိုးရစစ်သား (၁၂)ယောက်လောက် သေတယ်”ဟု အယ်လ်ရှာဘက် ပြောရေးဆိုခွင့်ရပုဂ္ဂိုလ် ရှိတ်ခ် အက်ဘ်ဒီယာဆစ် အဘူမူဆက်ဘ်က ပြောကြားခဲ့သည်။
အစိုးရဘက်ကမူ မိမိတို့သည် အခြေအနေကို ထိန်းချုပ်ထားပြီး နန်းတော်ထဲ ကျူးကျော်လာသူများ အားလုံးကို သုတ်သင်နိုင်ခဲ့ကြောင်း ကြေညာထားသည်။ သို့သော်လည်း သေဆုံးသူ အရေအတွက်ကိုမူ ဖော်ပြမထားချေ။
အစိုးရ၏ လုံခြုံရေးဌာန အရာရှိ တစ်ဦးက နန်းတော်ထဲ စီးနင်းဝင်ရောက်သူ (၉)ဦးမျှ ရှိခဲ့ပြီး အားလုံး သေဆုံးခဲ့ပြီဟု AFP သို့ မှတ်ချက်ပေးခဲ့သည်။ နန်းတော်အနီးတွင် ကားဗုံးပေါက်ကွဲမှုတစ်ခု ဖြစ်ပွားပြီးနောက် အရပ်မျက်နှာ နှစ်ခုမှ စစ်သွေးကြွများက တစ်ပြိုင်တည်း ထိုးစစ်ဆင် တိုက်ခိုက်ခဲ့ခြင်းဟုလည်း သိရှိရသည်။
_Ref: BBC
ACM Credit To: 7 Day Daily
http://www.ayechanmon-news1.com/
Post a Comment
EmoticonClick to see the code!
To insert emoticon you must added at least one space before the code.