လျှပ်စစ်စွမ်းအင်ကဏ္ဍ နှင့် ပတ်သက်၍ မြန်မာနိုင်ငံအတွက် အဓိက ပြင်ဆင်ရမည့်ပြဿနာမှာ ခေတ်နောက်ကျနေသော လျှပ်စစ်ဓာတ်အား ဖြန့်ဖြူးရေးနည်းစနစ်များနှင့် ဟောင်းနွမ်းသော ဓာတ်ကြိုးများကြောင့် နှစ်စဉ်ပျောက်ဆုံးသွားသော လျှပ်စစ်ဓာတ်အားပြဿနာကို ဦးစားပေး ဖြေရှင်းရမည်ဖြစ်ကြောင်း သဘာဝပတ်ဝန်းကျင်ထိန်းသိမ်းရေးနှင့် စွမ်းအင်အကြံပေးက ပြောကြားလိုက်သည်။
သဘာဝ ပတ်ဝန်းကျင်နှင့် စွမ်းအင်အကြံပေး မစ္စတာ BruceC.Buckheit က မြန်မာနိုင်ငံပွင့်လင်းမြင်သာမှုနှင့် တာဝန်ယူမှု တာဝန်ခံမှုဆိုင်ရာ အရပ်ဘက် မဟာမိတ်အဖွဲ့ စီစဉ်သည့် အစိုးရ၊ လွှတ်တော်အမတ်၊ အရပ်ဘက် အဖွဲ့အစည်းတို့ ပူးပေါင်းပါဝင်သည့် သန့်ရှင်းသော စွမ်းအင်ရှာပုံတော် သီးသန့်ဆွေးနွေးပွဲသို့ တက်ရောက်ရန် မြန်မာနိုင်ငံတွင် ရောက်ရှိနေခြင်း ဖြစ်သည်။
စွမ်းအင်ပြဿနာ ဖြေရှင်းရန်မှာ စီမံကိန်းသစ်များ အကောင်အထည်ဖော်ခြင်း မဟုတ်ကြောင်း နှင့် ဓာတ်ကြိုးဟောင်းနွမ်းမှုများကြောင့် ဓာတ်အား ငါးရာခိုင်နှုန်း ဆုံးရှုံးနေခြင်းကို ဖြေရှင်းရမည်ဟု ဆိုသည်။
‘‘အခုစီမံကိန်း တော်တော်များများက အပြင်ကို ရောင်းနေတာများတယ်။ စွမ်းအင်ထုတ်နေတာထက် ဟောင်းနွမ်းတဲ့ ကြိုးတွေကြောင့် ပျောက်ကွယ်ဆုံးရှုံးသွားတဲ့ လျှပ်စစ်တွေကို ဖာထေးသင့်တယ်။ အခု မြန်မာနိုင်ငံရဲ့ ပုံစံက အပေါက်တွေမဖာရသေးဘဲ ရေတွေပြည့်အောင်ဖြည့်မယ်ပုံစံ ဖြစ်နေတယ်။ ဒါဟာ အရမ်းအန္တရာယ်ကြီးတယ်။ ဘာလို့လဲဆိုတော့ အခု အကောင်အထည်ဖော်မယ့် စီမံကိန်းတွေက သဘာဝပတ်ဝန်းကျင် ညစ်ညမ်းစေလို့ပဲ’’ ဟု မစ္စတာဘရုတ်က စကားပြန်မှတစ်ဆင့် ဖြေကြားသည်။
အစိုးရက အာရှဖွံ့ဖြိုးရေးဘဏ်၏ အကြံပေးချက်အရ ကျောက်မီးသွေးမှ လျှပ်စစ်ဓာတ်အား ၃၀ ရာခိုင်နှုန်း တိုးချဲ့ရန်နှင့် ရေအားလျှပ်စစ်စီမံကိန်းများ တိုးမြှင့်လုပ်ဆောင်ရန် ဇွန်လအတွင်း ကျင်းပသည့် ပြည်သူ့လွှတ်တော် အစည်းအဝေးတွင် ပြောကြားခဲ့ သည်။
၂၀၁၈ ခုနှစ်နောက်ပိုင်းတွင် မြန်မာတစ်နိုင်ငံလုံး လျှပ်စစ်ဓာတ်အားရရှိမည်ဟု အစိုးရက ထုတ်ပြန်ထားသော်လည်း တစ်နိုင်ငံလုံး လျှပ်စစ်ဓာတ်အား ဖြန့်ဖြူးရေးအတွက် သွယ်တန်းရမည့် မဟာဓာတ်အားလိုင်းများ၊ ထရန်စဖော်မာများ တပ်ဆင်ရန်မှာ ယခုအချိန်အထိ မပြီးစီးသေးချေ။
သွယ်တန်းခြင်းလုပ်ငန်းများသည် အမေရိကန်ဒေါ်လာ သန်းနှစ်ထောင်ခန့် ကုန်ကျမည်ဟု ခန့်မှန်းထားသော်လည်း ကုန်ကျစရိတ်အတွက် အစိုးရက ကုန်ကျခံရန် လက်တွန့်နေသည်ဟု ဓာတ်အားလိုင်းများ သွယ်တန်းရာတွင် လိုအပ်သည့် ကုန်ပစ္စည်းများ ရောင်းချနေသူများထံမှ သတင်းရရှိသည်။
အဆိုပါပုဂ္ဂိုလ် မြန်မာနိုင်ငံသို့ ရောက်ရှိနေစဉ်အတွင်း လျှပ်စစ်ထုတ်ယူရေး လုပ်ငန်းကို အကောင်အထည်ဖော်နေသည့် လျှပ်စစ်စွမ်းအား ၀န်ကြီးဌာနမှ တာဝန်ရှိသူများ၊ လွှတ်တော် အမတ်များနှင့် တွေ့ဆုံပြီး ယခု ကျင့်သုံးရန် ရည်ရွယ်ထားသော မြန်မာနိုင်ငံ၏ စွမ်းအင်မူဝါဒကို ပြင်ဆင်ရန် တိုက်တွန်းသွားမည် ဖြစ်သည်။
၎င်းပုဂ္ဂိုလ်သည် ယခင်က USEP(US Environmental Protection Association) အမေရိကန် သဘာဝပတ်ဝန်းကျင် ထိန်းသိမ်းရေးအဖွဲ့ဝင် ညွှန်ကြားရေးမှူးဟောင်းတစ်ဦးဖြစ်ပြီး ယခုအခါ အပြည်ပြည်ဆိုင်ရာ စွမ်းအင်နှင့် သဘာဝပတ်ဝန်းကျင်ရေးရာ အကြံပေးအဖြစ် လုပ်ကိုင်နေသူဖြစ်သည်။
ရန်ကုန်မြို့လယ်တစ်နေရာတွင် သွယ်တန်းထားသော ဓာတ်ကြိုးများ (ဓာတ်ပုံ −ကျော်ဇင်သန်း)
Aye Chan Mon Credit To: 7 Day Daily
http://www.ayechanmon-news1.com/
Post a Comment
EmoticonClick to see the code!
To insert emoticon you must added at least one space before the code.