မေစစ်ပိုင်|ACM Re-Post 5-6-2014
မြန်မာအစိုးရဘက်က တင်းကျပ်မှုတွေကြောင့် ပုဂ္ဂလိက ဆက်သွယ်ရေး လိုင်စင်ရတဲ့ ကုမ္ပဏီတွေ အနေနဲ့ အခြေခံ အဆောက်အအုံဆိုင်ရာ လုပ်ငန်းတွေ ပြီးစီးမှု နှောင့်နှေးရတယ်ဆိုတဲ့ ဝေဖန်ချက်တွေကို တယ်လီနော မြန်မာ ကုမ္ပဏီဘက်က ငြင်းဆိုလိုက်ပါတယ်။
ပုဂ္ဂလိက ဆက်သွယ်ရေး လိုင်စင်ရ ကုမ္ပဏီတွေဖြစ်တဲ့ တယ်လီနောနဲ့ အော်ရီဒူးတို့က သူတို့ရဲ့ ဆင်းကတ်တွေကို ထုတ်ရောင်းဖို့ အဆင်သင့် ဖြစ်နေပြီဆိုတဲ့ အရိပ်အမြွက် စကားသံမျိုး မကြာခဏ ပြောနေကြပေမယ့်လည်း အစိုးရဘက်က တင်းကျပ်မှုတွေ ရှိတာကြောင့် ဖြန့်ချိလို့ မရဘူးဆိုတဲ့ ဝေဖန်သံတွေ ထွက်ပေါ်နေပါတယ်။
ဒီလိုမျိုး တင်းကျပ်မှုတွေကြောင့် ကုမ္ပဏီတွေရဲ့ တာဝါတိုင်စိုက်တဲ့ လုပ်ငန်း၊ အင်တာနက်လိုင်း စတဲ့ အခြေခံ အဆောက် အအုံ ဆိုင်ရာကိစ္စတွေမှာ နှောင့်နှေးမှုတွေ ရှိနေတယ်ဆိုတဲ့ သတင်းတွေ ထွက်ပေါ် နေတာကြောင့် ဧရာဝတီက တယ်လီနော ကုမ္ပဏီကို ဆက်သွယ်မေးမြန်းကြည့်ရာမှာ တယ်လီနောက အဲဒီလိုမဟုတ်ကြောင်း ငြင်းဆိုလိုက်ပါတယ်။
တယ်လီနော မြန်မာ ကုမ္ပဏီ ရဲ့ တာဝန်ရှိသူ Hanne Knudsen က အစိုးရပိုင်းရဲ့ တင်းကျပ်မှုမရှိသလို ဆင်းကတ်တွေ ဖြန့်ချိဖို့ ခွင့်မပြုဘူးဆိုတာလည်း မဟုတ်ဘူးလို့ တုန့်ပြန်ပြောဆိုပါတယ်။
“ဆက်သွယ်ရေးနဲ့ဆိုင်တဲ့ အခြေခံအဆောက်အအုံ ဆိုင်ရာ ကိစ္စတွေ အားလုံး ပြီးစီးတာနဲ့ ရောင်းသွားမှာပါ။ ပြည်သူတွေ အတွက် စွမ်းရည်မြင့် လိုင်းဆွဲအားတွေနဲ့ အင်တာနက် လိုင်းတွေကို သေချာအောင် လုပ်နေတယ်။ ဆင်းကတ်တွေ ရောင်းချဖို့ အဆင်သင့်ဖြစ်နေပြီ၊ အစိုးရကို ကတိပေးထားတဲ့ အတိုင်း ၈ လ အတွင်းမှာ ရောင်းမှာပါ” လို့ သူက ဧရာဝတီကို ပြောပါတယ်။
ဆက်သွယ်ရေး ကုမ္ပဏီတွေအပေါ် ဘယ်လိုမျိုး လုပ်ဆောင်မှုတွေနဲ့မှ ချုပ်ကိုင်မှာ မဟုတ်ဘဲ ပေါ်လစီပိုင်းကိုသာ ချုပ်ကိုင်မှာ ဖြစ်တာကြောင့် သတ်မှတ်ဥပဒေတွေကို လိုက်နာမှု ရှိမရှိ ဆိုတဲ့ အပိုင်းကိုပဲ ကိုင်တွယ် ဆောင်ရွက်မှာလို့ ဆက်သွယ်ရေး ဒု ဝန်ကြီး ဦးသောင်းတင်က ဆိုပါတယ်။
တယ်လီနောက ဆင်းကတ်တွေကို ၈ လအတွင်း ဖြန့်ချိမယ်လို့ အစိုးရကို ကတိပြုခဲ့တာဟာ ဖေဖော်ဝါရီလ ၅ ရက် နေ့က ဖြစ်တာကြောင့် တွက်ချက် ကြည့်မယ်ဆိုရင်တော့ ဆင်းကတ်တွေဟာ အောက်တိုဘာ မတိုင်ခင် ပြည်သူတွေ လက်ထဲ ရောက်ဖွယ်ရှိပါတယ်၊ ဒါပေမယ့် ဆင်းကတ် ပမာဏ ဘယ်လောက်ထုတ်လုပ် ဖြန့်ချိမယ် ဆိုတာတော့ အတိအကျ ပြောကြားခြင်း မရှိပါဘူး။
“၈ လအတွင်းမှာ ရောင်းချဖို့ အစိုးရ ကို ကတိပေးထားပြီးပြီ၊ ပြည်သူတွေအတွက် စွမ်းရည်မြင့် လိုင်းဆွဲအားတွေနဲ့ အင်တာနက် လိုင်းတွေကို သေချာအောင် လုပ်နေတယ်” လို့ ရန်ကုန်အခြေစိုက် တယ်လီနော ရုံးချုပ်က တာဝန်ရှိသူ Hanne Knudsen က ပြောပါတယ်။
စတင်ဖြန့်ချိပြီ ဆိုတာနဲ့ ဆင်းကတ်တွေကို တိုင်းဒေသကြီးနဲ့ ပြည်နယ်အားလုံးက လက်လီရောင်းချသူတွေနဲ့ အကျိုးတူ လုပ်ငန်း ပူးပေါင်း ဆောင်ရွက်သူတွေဆီက တဆင့် ရောင်းချ ပေးသွားမှာလို့ သိရပါတယ်။
ဆက်သွယ်ရေးလုပ်ငန်း လိုင်စင်ရ ကုမ္ပဏီ ၂ ခု ဖြစ်တဲ့ တယ်လီနောနဲ့ ကာတာနိုင်ငံ အခြေစိုက် ကုမ္ပဏီဖြစ်တဲ့ အော်ရီဒူး တို့ယှဉ်လိုက်မယ်ဆိုရင် အော်ရီဒူးက ဈေးကွက်တွင်းမှာ ကြော်ငြာအား ကောင်းကောင်းနဲ့ ဆွဲဆောင်မှုတွေ ဆက်တိုက် လုပ်နေပေမယ့်လည်း တယ်လီနော ကတော့ လှုပ်ရှားမှုနည်းနေတာ တွေ့ရပါတယ်။
“ဘာကိစ္စပဲလုပ်လုပ် တယ်လီနော ကုမ္ပဏီနဲ့ မြန်မာအစိုးရရဲ့ စည်းမျဉ်း စည်းကမ်းတွေအတိုင်းပဲ သွားတယ်” လို့ ကုမ္ပဏီရဲ့ လှုပ်ရှားမှု နည်းနေသလားဆိုတဲ့ ဧရာဝတီက မေးခွန်းကို Hanne Knudsen က ဖြေပါတယ်။
တယ်လီနော မြန်မာ ကုမ္ပဏီက တာဝါတိုင် တည်ဆောက်ရေး အတွက် Apollo ကုမ္ပဏီ၊ Ayarwaddy Green ကုမ္ပဏီတို့နဲ့အတူ ညှိနှိုင်းသွားမှာ ဖြစ်သလို အဲဒီကုမ္ပဏီ နှစ်ခု လက်အောက်မှာ ပြည်တွင်း ကုမ္ပဏီ ၁၂ ခုခန့် ပါဝင်တယ်လို့ တယ်လီနော ကုမ္ပဏီ မြန်မာပြည် ကိုယ်စားလှယ် Mr. Petter Furberg က ပြောပါတယ်။
နော်ဝေနိုင်ငံရဲ့ တယ်လီနော ကုမ္ပဏီကြီးဟာ မြန်မာနိုင်ငံမှာ ရင်းနှီးမြှုပ်နှံပြီး ဆက်သွယ်ရေး ကွန်ရက်နဲ့ တယ်လီဖုန်း ၀န်ဆောင်မှု လုပ်ငန်းလုပ်ဖို့ မနှစ်က လေလံ အောင်ခဲ့ပါတယ်။ ဒါကြောင့် တယ်လီနော ကုမ္ပဏီဟာ အစိုးရကို ဆက်သွယ်ရေး လုပ်ငန်း လိုင်စင်အတွက် တနှစ်ကို အမေရိကန်ဒေါ်လာ သန်း ၅၀၀ ပေးဆောင်ရမှာဖြစ်သလို ဝင်ငွေအားဖြင့် တနှစ်ကို အမေရိကန် ဒေါ်လာ သန်း ၁ ထောင် ရနိုင်ပါတယ်။
လတ်တလောမှာတော့ မြန်မာနိုင်ငံဆိုင်ရာ နော်ဝေသံအမတ်ဟောင်းက တယ်လီနော လုပ်ငန်းစုကြီးရဲ့ ဒု ဥက္ကဋ္ဌ တာဝန်ကို ယူလိုက်တဲ့အတွက် နော်ဝေနိုင်ငံရဲ့ ထိပ်သီးသတင်းစာကြီးတွေရဲ့ (ဝေဖန်မှုကို) ခံနေရပါတယ်။
ရန်ကုန်အခြေစိုက် တယ်လီနော ရုံးချုပ် မြင်ကွင်း (ဓာတ်ပုံ – ဂျေပိုင် / ဧရာဝတီ)
Aye Chan Mon Credit To: ဧရာဝတီ
https://www.facebook.com/excellencemedia
http://www.ayechanmon-news1.com/
Post a Comment