မြန်မာ့နိုင်ငံရေးကို ဦးခင်ညွန့် စောင့်ကြည့်နေ

Thursday, May 22, 2014

မြန်မာပြည် နိုင်ငံရေးအခြေအနေကို စောင့်ကြည့်နေပါတယ် လို့ ဦးခင်ညွန့်က ပြောဆိုကြောင်း မဇ္ဈိမသတင်းစာမှာ ပြီးခဲ့တဲ့ ကြာသပတေးနေ့က ဖော်ပြထားပါတယ်။

"သူတို့လုပ်ဆောင်နေတာတွေကို ကြည့်နေတယ်။ အခု မပြောသေးဘူး။ အချိန်ရောက်ရင်တော့ ပြောမှာပေါ့"

အင်တာဗျူးမှာ ပြောဆိုကြတာက နိုင်ငံရေးအကြောင်း မဟုတ်ပါဘူး၊ သူဖွင့်ထားတဲ့ ပန်းချီပြခန်းအကြောင်းပါ။ နိုင်ငံရေးအကြောင်း မေးခွန်းတခုပဲ ပါဝင်နေတာပါ။ သူကလည်း အထက်ပါအတိုင်းပဲ ခပ်တိုတို ဖြေသွားပါတယ်။
နိုင်ငံရေးအကြောင်း အခု မပြောချင်ဘူးလို့ ဦးခင်ညွန့်က ဆိုပါတယ်။

သူတို့လုပ်ဆောင်နေတာတွေကို ကြည့်နေတယ် ဆိုတော့ .... အင်း... ကြည့်နေရုံတင် မဟုတ်ဘဲ ကြုံခဲ့ရတာတွေကို စာရေးမှတ်တမ်းတင်လိုက်ရင် စာအုပ်တွေ အတွဲလိုက် ထုတ်နိုင်မယ် ဆိုတာကိုလည်း စဉ်းစားနေဖွယ် ရှိပါတယ်။

နိုင်ငံတကာဖိအားတွေ လျော့ကျအောင် ဘယ်လို လုပ်ခဲ့ရတယ်၊ စူပါ ပါဝါ နိုင်ငံကြီးတွေကို ဘယ်လို ကစားခဲ့တယ်၊ မြန်မာပြည်ဘိန်းလုပ်ငန်းရှင်တွေအကြောင်း၊
ဗိုလ်ချုပ်ကြီးများအကြား အားပြိုင်မှု စသဖြင့် စသဖြင့် စိတ်ဝင်စားစရာ အဖြစ်အပျက်တွေ အများကြီးကို အခုကတည်းက ရေးထားပြီး သင့်လျော်တဲ့အချိန်မှာ စာအုပ်ထုတ်မယ် ဆိုရင်ကောင်းမှာပဲ စသဖြင့်လည်း စဉ်းစားကောင်း စဉ်းစားနေပါလိမ့်မယ်။

ဗိုလ်ချုပ်တချို့ လုပ်ငန်းခွင်အတွေ့အကြုံတွေရေးပြီး စာအုပ်ထုတ်တာလည်း အများအပြား ရှိနေတယ် မဟုတ်လား။

ဦးခင်ညွန့်ရေးတဲ့စာအုပ် ဆိုရင် ရန်သူ၊ မိတ်ဆွေ၊ လုပ်ဖော်ကိုင်ဘက်ဟောင်း၊ စာနယ်ဇင်းသမားတို့က စိတ်ဝင်စားကြမယ်လို့ ယူဆရပါတယ်။

ဧရာဝတီ Facebook / ဧရာဝတီ Twitter

ACM Credit To: ဧရာဝတီ
မိတ်ဆွေ-ဒီလင့် ၂ ခုကို Click နှိပ်ယုံဖြင့်သတင်းအစုံကိုဖတ်နိုင်ပါသည်။
https://www.facebook.com/excellencemedia
http://www.ayechanmon-news1.com/