မြန်မာ့ရှေ့ဆောင်ဘဏ်က Visa ကတ်ဖြင့် ပူးပေါင်း၍ နိုင်ငံခြား ငွေကြေးသုံးမျိုး အသုံးပြုနိုင်သော Multicurrency Visa Travel Prepaid Card ၀န်ဆောင်မှုစနစ် စတင်ရန် စီစဉ်

Created on Wednesday, 20 November 2013 21:09

မြန်မာ့ရှေ့ဆောင်ဘဏ်က Visa ကတ်ဖြင့် ပူးပေါင်း၍ နိုင်ငံခြားငွေကြေး သုံးမျိုးဖြစ်သော အမေရိကန်ဒေါ်လာ၊ ယူရိုနှင့် စင်ကာပူဒေါ်လာ အသုံးပြုနိုင်သော Multicurrency Visa Travel Prepaid Card ၀န်ဆောင်မှုစနစ် စတင်ရန် စီစဉ်နေကြောင်း မြန်မာ့အရှေ့ဆောင်ဘဏ်မှ အုပ်ချုပ်မှုဒါရိုက်တာ ဦးဝင်းမင်းခိုင်၏ ပြောကြားချက်အရ သိရသည်။

"အခု Visa နဲ့ ပူးပေါင်းပြီး ထုတ်ဝေတဲ့ကတ်က မြန်မာနိုင်ငံမှာ ပထမဦးဆုံး နိုင်ငံခြားငွေကြေးသုံးမျိုး ထည့်သွင်းအသုံးပြုနိုင်တဲ့ ကတ်ဖြစ်ပါတယ်။ ကတ်အတွင်းမှာ အနည်းဆုံး အမေရိကန်ဒေါ်လာ ၂၀၀ ကနေ အများဆုံး အမေရိကန် ဒေါ်လာ ၅၀၀၀ အထိ ထည့်သွင်း အသုံးပြုနိုင်ပါတယ်"ဟု ဆက်လက် ပြောကြားသည်။

Multicurrency Visa Travel Prepaid Card ကတ်သည် ပြန်လည် ငွေဖြည့်တင်းနိုင်သော ငွေပေးချေမှု ကတ်တစ်ခုဖြစ်ပြီး မြန်မာနိုင်ငံသားများ ပြည်ပသို့ ခရီးထွက်ခွာသည့်အခါတွင် အသုံးပြုနိုင်မည် ဖြစ်သည်။ အဆိုပါ ကတ်သည် အီလက်ထရောနစ် ငွေပေးချေမှုများကို ပြုလုပ်နိုင်သည့် ကတ်တစ်ခုဖြစ်သည်။

အသုံးပြုလိုသူများအနေဖြင့် ကတ်လျှောက်ထားရန် လိုအပ်သည့် လျှောက်လွှာပုံစံများကို နိုဝင်ဘာ ၂၈ ရက်မှစ၍ မြန်မာ့ရှေ့ဆောင်ဘဏ်၏ ရုံးချုပ်နှင့် ဘဏ်ခွဲများတွင် ရယူနိုင်ကြောင်း သိရသည်။

Visa ကတ်ကုမ္ပဏီသည် ကမ္ဘာလုံးဆိုင်ရာ ငွေပေးချေမှု နည်းပညာ ကုမ္ပဏီတစ်ခုဖြစ်ပြီး အဆိုပါ ကုမ္ပဏီသည် စားသုံးသူများ၊ ဘဏ္ဍာရေး အဖွဲ့အစည်းများ၊ အရောင်းကုန်သည်များ၊ အစိုးရနှင့် စီးပွားရေး လုပ်ငန်းကြီးများဖြင့် ဆက်သွယ် လုပ်ကိုင်လျှက်ရှိပြီး ကမ္ဘာတစ်ဝန်းတွင် နိုင်ငံပေါင်း ၂၀၀ ကျော်တွင် အသုံးပြုလျှက် ရှိကြောင်းနှင့် သုံးစွဲသူပေါင်း ၁ ဒသမ ၈ ဘီလျံခန့်ရှိကြောင်းနှင့် Visa ကတ်၏ ကွန်ရက်ဖြစ်သော VisaNet သည် တစ်စက္ကန့်လျှင် ငွေပေးချေ၊ ငွေသွင်းငွေထုတ် ၀န်ဆောင်မှုပေါင်း ၂၄၀၀၀ ကျော် ပြုလုပ်နိုင်ပြီး လိမ်လည်မှု ကာကွယ်သောစနစ်၊ သေချာသော ငွေပေးချေမှုစနစ်တို့ ပါဝင်ကြောင်း သိရသည်။

မြန်မာ့ရှေ့ဆောင်ဘဏ်သည် ၂၀၁၀ ပြည့်နှစ်တွင် ဘဏ်လုပ်ငန်း လိုင်စင်ပေးအပ်ခြင်းခံရသည့် ပုဂ္ဂလိက ဘဏ်လေးဘဏ်တွင် တစ်ခုအပါအ၀င်ဖြစ်ပြီး ပြည်တွင်းဘဏ် ၀န်ဆောင်မှုလုပ်ငန်း၊ နိုင်ငံခြားဘဏ် ၀န်ဆောင်မှုဖြစ်သော သွင်းကုန် L/C ၀န်ဆောင်မှု၊ ဘဏ်အာမခံပေးခြင်း၊ SWIFT နှင့် Western Union တို့နှင့် နိုင်ငံခြား ငွေလွှဲအ၀င်လက်ခံခြင်း လုပ်ငန်းများကို လုပ်ဆောင်လျှက်ရှိကြောင်း သိရသည်။

Multicurrency Visa Travel Prepaid Card ကို တွေ့ရစဉ်

အေးချမ်းမွန် Credit To > Eleven Media Grouphttps://www.facebook.com/excellencemedia

2