ရှမ်းပြည်နယ် (မြောက်ပိုင်း) မူဆယ်မြို့နယ် နောင်ဆိုင်ကျေးရွာ အနီး ရော်ဘာခြံ အတွင်းရှိ ခြံစောင့် တဲမီးလောင်၍ လူသုံးဦးသေဆုံး နေကြောင်းသိရှိရသဖြင့် နယ်မြေခံ စစ်ကြောင်းနှင့် ရဲတပ်ဖွဲ့ဝင်များ ပါဝင်သောပူးပေါင်း အဖွဲ့များက နိုဝင် ဘာ ၇ ရက် နံနက်ပိုင်းက သွားရောက် စစ်ဆေးရာ နေထိုင်သည့် တဲမှာ မီးလောင်ကျွမ်းမှုကြောင့် ပြာပုံများသာ တွေ့ရှိရပြီး ၎င်းနေရာ၌ ဦးအိုက်ပေါင်း ၄ဝ နှစ်၊ မောင်အားဝေ ၂၅ နှစ်၊ မကွေကျင် ၂၅ နှစ်တို့သုံးဦးအား မီးလောင် ကျွမ်းဒဏ်ရာ များနှင့် သေဆုံးလျက်ရှိပြီး မီးလောင် ပျက်စီးနေသည့် ဆိုင်ကယ်နှစ်စီး တို့အား တွေ့ရှိရသည်။
မီးလောင်၍ သေဆုံးနေသော အလောင်းသုံးလောင်းအားမူဆယ် ဆေးရုံသို့ သယ်ဆောင်၍စစ်ဆေးရာ မောင်အားဝေ၏ ဦးခေါင်းတွင် ချွန်ထက်သည့်အရာဖြင့် ထိုးနှက်ခံ ထားရသော ဒဏ်ရာတစ်ချက် တွေ့ရှိရ၍ အသတ်ခံရပြီး မီးရှို့ ခံရခြင်း ဖြစ်နိုင်ကြောင်းနှင့် ဖြစ်စဉ်၏အမှု မှန်ပေါ်ပေါက်ရေး စုံစမ်းစစ်ဆေးလျက် ရှိကြောင်း သတင်း ရရှိသည်။
အေးချမ်းမွန် Credit To > မြ၀တီ
Post a Comment