တရုတ်နိုင်ငံက အသက်ခြောက်နှစ် အရွယ် ကလေးငယ်တစ်ဦးသည် လျှာကင်ဆာ နောက်ဆုံးအဆင့်ကို ရောက်ရှိနေသော ဖခင်ဖြစ်သူကို စောင့်ရှောက်မှု ပေးနေသောကြောင့် ချီးကျူးခံခဲ့ရကြောင်း သိရသည်။ အသက်ငယ်သူ ဖြစ်သော်လည်း ဖခင်ဖြစ်သူ၏ ကျန်းမာရေး ကိစ္စတွေအပြင် အခြား အိမ်မှုကိစ္စတွေကိုလည်း ဆောင်ရွက်နေရခြင်း ဖြစ်သည်။ တရုတ်နိုင်ငံ အရှေ့ပိုင်း Shaoxing အရပ်ဒေသတွင် နေထိုင်သည့် သားငယ်လေး ၀မ်မှာ ပြီးခဲ့သည့်နှစ်လက လျှာကင်ဆာရောဂါ ခံစားနေရသော ဖခင်ဖြစ်သူကို အသက်အရွယ်နှင့် မလိုက်အောင် ပြုစုပေးနေရခြင်း ဖြစ်သည်။ ဖခင်ဖြစ်သူ ဇာအိုတူသည် ချောင်းတွေ ရုတ်တရက် ဆိုးလာပြီးနောက် စစ်ဆေးမှုခံယူရာ ကင်ဆာနောက်ဆုံး အဆင့်ကို ရောက်နေခြင်း ဖြစ်သည်။ သားငယ်လေး ၀မ်တွင် မိခင်ရှိသော်လည်း စိတ်ကျန်းမာရေး မကောင်းသောကြောင့် ခွဲခြားထားရသည်။ ထို့ကြောင့် ၀မ်သည် မိသားစု ကိစ္စတွေကို လုပ်ဆောင်ပေးနေရသည်။ ဆွေးမျိုးများက ကူညီပေးနေသော်လည်း အနီးကပ် ပြုစုရေး တာဝန်ကို ၀မ်က ယူထားရသည်။ ၀မ်သည် အတန်းပညာ သင်ယူနေဆဲ ဖြစ်သည်။ ၀မ်၏ ဖခင်ဖြစ်သူက ဓာတ်ရောင်ခြည် ကုထုံးဖြင့် ကုသပြီး အသက်ရှည်အောင် ကြိုးစားကာ သားဖြစ်သူကို ပြုစု စောင့်ရှောက်ချင်ကြောင်း၊ သားဖြစ်သူသည် မိမိတို့အပေါ် ကျေးဇူးရှိကြောင်း ၀မ်းနည်းစွာ ပြောကြားခဲ့သည်။ လက်ရှိအချိန်တွင် သားငယ်လေးဝမ်ကို ကျောင်းပြီးဆုံးအောင် တက်နိုင်ရေး ကူညီသွားမည် ဖြစ်သော်လည်း အနာဂတ်အတွက် မည်သို့ လုပ်ပေးရမည်ကို မသိရှိကြသေးကြောင်း သတင်းတွင် ဖော်ပြထားသည်။
Post a Comment
Post a Comment